報左名或未報名睇定d先決定418去唔去的朋友們，心裡面一定有一個最大的疑問「星期日落雨咁點算？」，我現在一次過向大家解答，「真正的好天氣，是我們心裡面有陽光！所以果日一定係好天氣，或者我再清楚d講，果日無論外間咩天氣，都風雨不改！」當然大家可以有自己的選擇，不過我架旅遊巴就book左，所以我點都會果朝十點係九龍塘出發！
而關於等車地點及車牌，參加Plan A的朋友們，星期六記住check email，初步肯定係會係九龍塘火車站，近理想酒店到等，但車牌就要星期六先知！
而關於食物及燒烤叉及炭等問題，參加BBQ的朋友們，只需帶備食物，而份量就多你自己想食少少就夠，唔夠食好過浪費！叉及炭及爐，我會有專人為各位預備好，所以參加Plan A的朋友們，其實只要帶個「靚人」及「靚心情」來玩就足夠！
而參加Plan B，即係唔到LAST MINUTE都未決定到唔到果班朋友，TAKE YOUR TIME，我同大家十點九就會係度，你地有MOOD就隨時過來吧，至於點搵到我地，請留意下面「行動圖」
去到大美篤，落車 行入停車場，企我呢個位，會見到手指住一座建築物，呢座其實係「公廁」
行到公廁隔離有條小路，繼續向前行
來到呢個路牌下，跟我手指方向前行
就會見到果座「公廁」，然後再跟我手指方向再前行
來到呢個check point，沿我身邊的路繼續再向前
目的地就在我手上
然後望番另一邊，見到 大美督路，跟我雙手方向再前行
一般情況下，一分鐘左右就會到我身後呢個「水上活動中心」，然後請歡呼住跑入去
你就會發現有班比你更大聲o既人聚晒係度，果個地方同果班人，就係你要搵的目的地！
大約係我呢個位，行前三格咁上下，不過你行到呢度，仲點會見唔到我地丫呢度將會係我地聚腳點，大家相聚後，可以bbq，可以自己活動，可以跟我一齊hae，總之想搵番大家就返黎呢個位！ 就係咁簡單！禮成！
當日我會拍攝一條片，名為「What a big joke大美篤」，拍攝內容係一班好靚好開心的人玩左好難忘的一日，大家準備著靚d之餘，我仲想係度RECRUIT一首自創的「音樂」，未來用作這條片的配樂，有心人你就算未有歌，都可以先報名，為這條片度身訂造一首主題曲！
418~ 我等待著出發！！
21 comments:
灘叔,我預左個日無論任何天氣都要和你在一起!
我可以好大膽咁講個日心情會好好,而天氣亦都會好好!
灘叔可以考慮六月或者七月再搞一次BBQ嗎??
因為我系會考生...
今次要溫書黎唔到;'(
如果6/7月有多一次我一定搵埋成班FRIEND JOIN你!:)
plan B!! SEE U~
幫你地掛晴天公仔啦。
我會開車仔去. See u :)
哎呀我係會考生,想黎但黎唔到,可惜!
但但....
我想作主題曲 [ALTHOUGH 我去唔到]
唔知得唔得呢:)
風雨不改，灘叔我撐你.......
其實我都好想玩
但要考試
希望下次再搞可以 join ^^
Plan B
到時見!!!!
yeah!!!
齋睇你呢個詳情介紹我已經笑晒
做事最緊要有心
大忙人如你竟花時間到現場為大家預備
姣簡棟呀
我一定準時到！
灘叔好有heart呀!!! 好想去呀!!!
Hope you all have great funs on April 18:}}
哈.... 我join plan b , 及帶備4 位靚女到, 3 支白酒到...
我同老婆都駕車車去~~到時見 See Yo ~
引死人啦!
不過去唔到要温贏
如果啲行山書有你呢個人肉指南咁清楚就好囉! 嘻嘻...
你今朝咁夠義氣幫手做晴朗﹐星期日你地一定會得到晴朗的天氣!
灘叔做乜都好用心
好欣賞你!!!
你地o個日玩得開心d呀^^
灘叔,好負責任,pre-trip!!!!
Plan B, 揸車到..明天見
connie, aggie, 一仔
想問o下plan B 揸車o既朋友們, 你地會泊車o係第2張相o既carpark? 一話可以泊o係燒烤場o既外面?(即係第一張相有車泊o既位置)
灘叔你個手提袋好靚，可以透露下係咪咩牌子、邊樹買呀？謝謝灘叔！
Post a Comment