本來呢個周末過得不錯，聽歌，寫野，睇電視，仲俾我撞到「李龍同李基」，很久不見，這一刻我仍然會邊睇邊笑，每次睇完都好想打電話俾子華，「嘩！我地加埋係好笑喎，不如搞多次丫....」，呢個電話我一定會打，或者大家見到佢幫我同佢講聲，「猜猜蚌~~」
諗住笑住睇埋車路士對曼聯，同埋家好月圓（我終於明白不愛運動的人，在奧運期間的感受！係好辛苦``！），但係見到阿慈呢幾日沒精打彩，周身無力，成日口擘擘，好似我地感冒咁款，即刻羅去俾附近龜佬睇睇，「下！？龜都會肺炎？！」
都話唔好開冷氣，但天氣實在太熱，阿慈你暫時抖抖，龜佬話三兩日就會好番，喎旦你！
14 comments:
阿慈:早啲好番,再咬過!!
阿慈好乖嘅 好快就會好番 希望你唔會感到太辛苦啦
阿慈, hope you will get well very soon, your beach papa is worrying ar!
阿慈個樣好可憐
get well soon~
阿慈好慘啊! 開個冷氣比佢涼下會唔會好D舒服D?
阿慈好可憐呀！不過香港既天氣真係令人和小動物感冒！阿慈要快的好番呀！唔好要亞灘叔担心呀！
Beach+李龍同李基 劲 ar 真系来多铺ar!!
猜猜蚌係我依家 bluetooth 個名, 點解你唔提一下坐坐卡呢....我都好期待男歌女唱可以出 part II!
肺炎...?中暑似d....
-helenato-
放佢落水游吓,
咪無咁熱羅.
定係不如,
比塊小林退熱貼佢,
散下熱氣啦!
仲係口擘擘?
牙膠就唔慳得啦.
poor阿慈...rest more la!!! Trust Unkle will take good care of you...looking forward to see you BITE BITE BITE again!!!!
你同子華加埋唔係好笑..係好好笑!一來我好鍾意子華,二來又夾埋你呢,好正! 另外有Ricky同Martin伴舞係超絕,仲要再加丁馬卡度..真係笑爆咀!
阿慈都係似主人型,唔嘆得冷氣...希望阿慈今日好啲喇!
唔關冷氣事，阿慈唔係溫血動物，況且自然界一日溫差10-20度好平常，一定係吃0左有「三聚氰鞍」做肥料的水果，所以塞住肺氣管引起肺炎。
唔好唔信，現在甚麼都有可能發生。
灘,我係銅鑼灣番工架,,得閒多d黎呢頭,等我撞下你呀,,哈哈!!!
Post a Comment