下個星期日先係中秋節，但今朝返工時，我真係感覺到「秋意」，我知道當你今日返工或食晏時，仍然熱到濕晒，是無可能相信我所講，因為我自己都唔信，所以走左去游水，烈日當空下，何來「秋意」，紅燒豬腩肉意就有一pat，但突然一舊黑雲經過，高溫因清涼疾風急降，腦海中突然響起林振強先生這幾句歌詞《曾經 跟千片葉飄進微冷的秋.....從不知 從不知 何解你充塞我所思 陽光中 無枯枝 何解我心中有秋意....》，老土肉麻到自己都打冷震！但事實上，秋天又來了`~`
我已經是一個零耐性的人，但生命活急促的步伐，快到連提出「不如唔好咁急丫！」都無時間，有半秒閒情，你都只會問自己「咁做法，我係咪好快就死！？」，問完未有時間答，已經又要繼續做！我成日想發起大家試下同一日請假，睇下個世界係咪因為咁而玩完！好可惜我覺得呢個idea是可以搞成一部喜劇，我又高速跑回去工作檯，怕靈感要走，死命追呀追~` 腦裡面不停響起這周耀輝的幾句歌詞
忽然只剩下我自己....
是否我走得太快
還是你走得太晚
抖一抖，又再努力過，高高高`~
15 comments:
沒錯, 你的確走得太快. 中秋節是星期日, 不是星期一.
你走過龍喇.
~捱菲
連郭小霖都出埋黎, 真是無得頂啊...
你啊...做還做要休息吓唔係做到殘哂點算?
我信你架, 係涼左好多因為今朝我返工時都有拱嘅感覺!
PS.請你在秋意中等我....一齊放假!!
今朝我呢度都好秋意...想起"微涼",等車嗰陣好想留喺條街到享受同呼吸嗰陣味!雖然宜家太陽伯伯"世"哂牙咁笑~
你個"從不知"同"也許"都秋到痺...想喊..想起Danny的歌...想dee爆你!
Wah...Good Idea wow! 發起大家一齊請一日假，跟住一齊出黎玩下relax 下...真係幾好! 最近工作超忙，真係想停一停.....
你首從不知 in 好多! 我重唱緊「秋來也秋去 秋風教人丟眼唳 何時才跟你可重聚....」
有同一樣的感覺, 也許.......多謝:)
秋天感覺好傷感, 我唔太喜歡...我鍾意夏天多啲, I'm loving it!! Hot summer!!! =P
海灘，好嘢! 咁都俾你諗到掉轉過我一幢。
你咁有興致去游個水，都唔係生活好急速啫。
噢，一個好令人懷念的八十年代!
那時我最鍾意「也許」。
今年中秋我會去外地過，唔知個月亮會唔會大啲呢?
爭秋奪暑 你晒完唔好忘記生津潤一番bor
秋天來臨大清早係會聞到一股「秋味」也許..要等到10月紅葉斜落我心寂寞時haha...
一個人在途上
Time usually goes by faster than we expect. Not just mid-autumn, Halloween, thanksgiving, even christmas is just around the corner. Unklebeach pls relax & take care ��!
秋天好呀~
清爽舒服:p
唔知太快定太慢, 步伐已經唔係一致..
WendyH
秋天又黎咗?? 好似無咁快喎!!~
你感覺到秋天, 又會唔會再好似之前咁打俾你個Fd 話俾佢知秋天黎咗??
再一次"秋意中領嘢"?
灘叔，好鬼鐘意你個新版面，仲有你的小龜龜燈籠，得晒啦。今年會去邊度賞月先？！
Post a Comment