思想家再見

我是一個思想家，即是凡事只是想，沒有行動，從未試過好好計劃自己的工作，兵來將擋，但今年我滿腦子計劃，至小上半年，我知我想做咩，但偏偏又遇上一些自己無興趣，但做到又會令我聲名大增的工作。
這秒鐘，我作出一個從來都不會的決定，就是推掉這工作，同時逼自己開工，搞個project四圍去賣，推一份有錢收的工作，做一份做完都唔知有會機會收到錢的project，需要好大勇氣，這一秒鐘，我夠膽話你聽我夠膽咁做！

想到就去做！新的開始，勇往直前，共勉之~``

譚明未到....選揀韋婷

我一直想寫一個這樣的角色，她樣子娟好，但絕對不是天生萬人迷的格局，性格沉默內向，但內心憧憬著美滿的愛情，十八歲那年，她的夢中情人，學校的學長向她展開追求，她受寵若驚，卻按撩著內心的熱情，冷淡地迎接一切...
「你鐘意我D乜？」 學長冷笑「因為你夠特別，有性格，唔同其他女仔！」

她在心裡面翻譯出學長的真意「因為你無好似其他女生咁迷戀我，這是萬人迷的死穴」，她知道只要跟他開始，很快就會到結局，於是她應了學長約會一次，她主動拖學長的手，主動要學長送她回家，在家外不顧一切把初吻獻給他，翌日，學生發現她已停學，據聞轉校到別處...

其實她一直環繞在學長身邊，看著他的女伴如走馬燈般轉換，由女同學到女教師，由女同事到女上師，由太太到秘密情人，她全部見過，多年來，學長以為一次又一次跟她的碰見，是上天緣份的安排，其實一切盡掌握在她的股掌中...你發現玩夠時，她就會在你身邊出現

終於她一等等了十八年，這個學長三十六歲那年，風采不再，萬人迷倫落成落水狗，他需要一個像她一樣，不辭勞苦，愛他又肯照料他的人，天堐淪落兩心知，二人的故事，由下半生開始！如果當日十八歲時，她選擇跟他拍拖，很快學長就會因為其他誘惑而離開她，雖然苦等了十多個寒暑，但換來是與他可以更長久的關係！


Timing is everything！






最近結婚的那個朋友，曾經是超級playboy，要請他的舊女友黎飲，一圍都唔夠坐，這還未包括那些不公開的，以前，我們常猜想他到頭來的女人會是怎麼樣？終於他今日選擇了一個大家從來沒有想像過的太太，平凡簡單，一個從前不會出現於他的list上的人，口賤友如我便說「幾十歲人，都係搵個簡簡單單聽話女人，結婚生仔！」 如果當日他其中一個女友像我的女主角一樣，堅持與他延遲開始，今日會否當上太太角色？


Timing is everything！






另一個樣子其醜的男朋友，卻最近娶了中學時期的校花，當然校花已無復當年美，襯在我這個花名史力加的朋友身上，她仍然是美人....
話說醜樣朋友在中學時開始鍾意校花，但有名校花，裙下之臣排到幾里外，幾時輪到我朋友，朋友只好遙遙的凝望著她，守侯著。離開學校後，校花很快拍上了一個賣床褥的太子爺，世紀婚禮當晚，我這個朋友不肯出席，我們笑他「不如你去到現場，好似上海灘咁搶新娘啦！」 終於， 朋友去到現場，好不容易才說出「祝妳幸福快樂....」視線一直避開新郎...

不竟相方仍然年輕，校花幸福了一年，仔都未生得切，與丈夫關係開始破裂，終於這段婚姻維持了兩年，之後，校花尋尋覓覓，傷過一次又一次，對愛情不再憧憬，年華老去，只想找一個願意照料她餘生的人，醜樣朋友，內心善良，他終於等到了，這一次不是說「祝妳幸福快樂」，而是「我會令妳幸福快樂！」



Timing is everything！



如果ENDING直譯是安定，要得到安定就得要有披唇，因為我們的安定早有編劇寫好，譚明未到，選擇韋婷，絕對是好的啋時！

艾法蘭詩婷、霍艾華

怪僻

我地玩先過陳強，『請回答我一個問題，你...見過、或者你朋友、你家人，你自己怪僻係點怪法？』

特別鳴所以上榜人仕 哈~```

紅翼 . 皮鞋

鞋櫃裡，點無位，都應該要有對Red Wing，而我喜歡開工時穿著，因為它可以令我「腳踏實地」，好實在地，好放心去博殺，我試過被一度鋼閘夾住，就靠紅翼保護，腳完全無恙；但我不喜歡約會時穿著，情急時，褲脫掉，紅翼仍在，它比對方的衫更難脫掉！如果你無以上經驗，趕快去買一對，你就會知我講緊乜！




























































著Red Wing，應該買大半個，怎至有人一個碼，加番腳墊，加貼身牛仔褲，先襯托出對紅翼的魁梧，好down to earth！鞋底一定要蝕到有咁薄得咁薄，我見過一個日本人的紅翼，個底薄到感受到地面冷暖，那日本人跟我說 「著紅翼著到同地面二合唯一，就是紅翼最靚亦都最後的時侯，有這種感覺，你的紅翼已到最後倒數，著得一次就小一次，那天原來是那日本人的生日，真係過時過節大日子先會拿出來著！

很有趣，一個厚厚的鞋底，最好看是磨損到末期時，它生出來的目的是讓人家去消耗！鞋底外，著得越殘的紅翼鞋面，也是代表你對紅翼的輩份，越殘越高輩份，所以大家可以睇到，上面邊對地位最高，我果對仲係鼻涕蟲階段，未入流.....



讀中學時，我試過番學因皮鞋底太滑，失足倒地，還要當時路經街市外，貨車剛把雞鴨籠掟下，這一跣，令我知道什麼是「身有屎」，還要是雞屎+鴨屎！自那天起，我就討厭穿皮鞋！再加上論放便，論有型，波鞋點會唔好過皮鞋，而家著TUX都係著converse啦！西裝+皮鞋，做sales、office先著;論到保護能力，皮鞋又薄，一定比比紅翼的安全感為低...

因此，我十幾二十年無買過一對「正經皮鞋」！出直上年去日本，跟一班朋友造訪某日本朋友家，呢班朋友個個有造型，簡單唔花巧，我站在其中，不知欠了什麼，他們總比我穩重，有男人味，終於離開時，我在門口位看到下面個景況。





當然你可以覺得對波鞋是萬綠叢中一點紅，很特出，但我咢想咁特出，我想融入，身邊朋友常說我擁有這副身材，穿西裝，官仔骨骨，一定有信服力地好看，我係唔信，買左套西裝，都係要著波鞋，反叛可能好型，但亦都會令自己走多好多冤枉路，如果我早d研究皮鞋，今日都唔駛行咁多路先搵到佢







就是妳，與我一齊踏出第一步~``

腦實人

又唔同一片空白，腦裡面有很多東西，但無精力去整理，有好多野想寫，但有心無力，老老實實，個腦真係好實，各位係老友就等多一等，抖順條氣又可以再衝，到時我驚你地招架唔住~~`

你搵過我黎？

有些人像季侯鳥，定時定侯就會出現，定時定侯就會消失，今日收到一個陌生來電，她以極嬌嗲的聲線，劈頭第一句就問 『Matt！你搵我咩事呀？』 這位女仕久不久就會找到一個原因打俾我，有試過問人電話，有試過問我要唔要靈芝丸，去奧脫福睇波點買飛，識唔識婦科醫生介紹俾佢媽媽.....有時因為她的創意，會花時間同佢傾幾句，但談不到十句，我便收線，因為她說的東西實在「廢」，美其名就是「為賦新詞強說愁」，坦白講就係「食完飯無屎屙搵人hae」 所以我簡單直接就答『我無搵過妳！』 『無可能，有個你missed call喎...」 我今日心情不錯，所以無cut佢線，仲反問佢『妳搵我咩事？』 『唔係你搵我咩？你搵我咩事？』
已經俾左一次機會妳，妳仲黎！Bye都慳番講就收佢線！

從前喜歡跟幾個朋友入馬場，但賭仔姓賴，輸左錢實話發起入馬場那位『最衰係你，無端端叫咩我入場呢！』所以永遠無人肯打電話約局，但大家偏偏又大鋪癮，我就會用呢個方法，打俾朋友『喂！你搵過我黎？搵我咩事？想我陪你入馬場呀？』 後來這個方法使用於朋友間約其他約會中 『喂！你搵我過黎？搵我咩事？想我陪你睇戲呀？』 『喂！你搵我過黎？搵我咩事？想問我借錢呀？不如你借d俾我先啦！』

同情人炒大鑊之後，冷戰左個幾星期，唔甘心認輸打俾佢，但又好掛住佢，都會用呢招 『喂！你搵過我黎？搵我咩事？無搵咩？咁你係度做緊咩呀？』 如果對方亦已經嬲完，就會肯繼續同你傾落去。

我試過好耐無打俾阿媽，有日佢都用呢招 『喂！你搵過我黎？搵我咩事？無搵咩？你呢排好忙咩？』

基本上，『你搵過我黎？』可以係一句好可愛開場白，就算聽果位唔受，都未至於會反感，但如果你試過因為用呢個開場白，而被對方cut線，我估對方一定好憎你，好唔想同你講野，醒目D，唔好再煩人啦！

身處於...

如果大家睇完呢幾幅相，可以知道我身處一個什麼地方，有兩可能性，一是你跟本到過這裡，二是你撞中....
















咁大家又即本撞下丫~`

Panic Room

唔知係咪真係關碗「蛇羹」事，定自己真係身體有d事，呢兩日個人不停標汗，好虛弱，似乎.......一場大病即將爆發，星期六仲要勁凍，又好多工作未完成，呢一秒鐘，我係個房，真係有點 Panic....

驚還驚，除非個人死左，否則欠債還錢，欠稿起碼都要還橋，但個腦有好多野無法組識，嘗試訓又不停醒，訓得唔好，起身就唔夠精神，惡性遁環，越搞越艱難.... Sigh~`

隆重其事

上面呢幅相同之前所post的有什麼分別？

咪就係多左為呢個blog勞苦功高的ANGELA，當日佢有事，天未黑就走左（聽講係去左打golf，真係.....悶）

如果咁都搵到邊個係，拉落d啦.....


















各位男仕，係咪睇完有d後悔無黎呢？！不過佢影相靚過真人，哈~~`

anyway，再一次謝謝妳好心幫忙~~`