朋友往飯局，一行五人，兩pair情侶加朋友單頭一個；朋友全程SMS我訴苦
「DEE！有PAIR情侶全程打車輪，真係睇都飽，唔駛食....」
「個個車輪都打幾分鐘，抖兩分鐘食件牛肉又嘴過，做SHOW都無咁精彩！」
我斯斯然回覆她
「佢地有冇又嘴又互摷？」
「咁又無咁離譜！不過齋嘴都已經惡頂啦！」
「如果無摷來摷去，其實嘴下有咩咁惡頂？」
「喂！公共場所！雖然係間房到，但都顧下同檯其他人感受丫！」
「妳覺得有問題！點解唔禮貌開聲...如果妳唔好意思開聲，但又好介意，你可以唔望出房+以示不滿！咁多方法唔揀，妳揀最令自己激氣果個，妳係咪傻傻地！定其實妳根本係「妒忌」？」
朋友遲遲沒有回覆，我估我應該講中左真相
「其實打車輪同妒忌人打車輪都係NO BIG DEAL！」
朋友到現在仍然沒有回覆我，我估佢嬲到打死左對情侶，現在潛逃中，又或者努力計劃要親自或派人打死我！但就算我真係死，我都要再強調「周街嘴係.NO BIG DEAL！」你覺得大件事，是因為你妒忌！
熱戀中的情侶們，其實跟快要生離死別的情侶們是一樣的，都是無一刻願意分開，每一秒都希望活在擁吻中，所以他們無時無刻打車輪，是可以埋解的，你覺得惡頂就行開，否則你看過的每一眼，不滿的每一句，其實都是出於你「妒忌」
就是因為這種妒忌轉化成的所謂有傷風化，令到無數有衝動的伴侶們以為在公眾場所內打車輪，是一件有違道德的事！其實又有幾BIG DEAL！
同樣我覺得倪震在公眾場所內打車輪，都是NO BIG DEAL！如果你有看內文，那位HOT GIRL 跟倪震剛認識，然後大家就嘴起來，離開場所後就各散東西，那HOT GIRL怎至不認識倪震是誰，基本上，之前的一吻印象亦已經相當依稀，「車輪」可以打到咁CASUAL，咁車輪仲有幾BIG DEAL！如果你覺得BIG DEAL，是因為你妒忌，妒忌自己唔可以得到咁輕易的吻！如果你覺得倪震背叛了周慧敏，但你點知倪震會唔會曾經為佢捱過兩刀，捐過半邊肝，四份一腎，給予過她無比的幸福呢？如果真有其事，飲大兩杯鬼上身車左個輪，咁又有幾BIG DEAL呢？！
或許你對我的睇法好唔認同，但咁又有幾BIG DEAL呢？至小我慶幸自己能夠坦白，我無妒忌也無同情，打下車輪，NO BIG DEAL！
11 comments:
十萬個認同呀！！！深信十幾年嘅感情唔會比個十幾秒嘅車輪影響到啦。
agree 'kissing' is absolutely 'No Big Deal'~~~ why should ppl be that serious about it???
如果我係你朋友，遇到那個情況我會好誠懇咁同那對車輪人講：
1/『喂！不得在食肆內餵飼寵物！』
2/『你條脷好多苔喎。。』
3/『你條脷伸唔伸到去佢粒喉嚨椗？表演一下助興丫。』
4/『劇〔泛指某些電視劇集〕毒上身呀？點解扮哂電視劇學人用口餵食？』
5/『你地面前有兩對刀叉 / 筷子，不必口傳身受囉。』
no big deal。。大家係朋友就分享下啦喂。
唔發生向自己身上就會好easy咁講句no big deal,
如果發生向自己身上呢，就大呼小叫it's a big big deal!
haha 我都係會好坦白咁覺得我會妒忌。
其實真係好閒姐。。。
其實弗洛依德既理論都有提過下。。
出於人既本能。。
Nice!
對於別人的事，我們最好的做法還是「我無妒忌也無同情」!
男未婚、女未嫁，not a big deal jei~
不過倪生得罪得人多，耐唔耐就喺專欄度開晒名dee啲傳媒高層，咁梗係被人砌鑊甘啦！
NO Big Deal, 不過有得揀我就想睇吓掉轉周慧敏係倪震嘅角色,效果更震撼。
Um...我就覺得"背叛"係唔可以用"犧牲"黎抵銷lor. For most of the woman "背叛" 仲大獲過你tone 佢兩刀,攞佢半邊肝,再加四份一個腎....... 所以好難講吧~
但點都好,邊個都冇同情lor.
it's just......too bad~
好簡單,如果人車得咁激烈的係你條女, 咁你仲會唔會覺得no big deal
Post a Comment