人間有情..Gathering

阿慈：「十二月二十二號下午三點至五點，我地終於可以休息下，唔駛俾個傻主人蹂躪....」

七妹：「係呀！條傻佬去同d老友Gathering！」

阿慈：「乜野係Gathering？」

七妹：「我查過字典，話係解「聚合、化膿、會合同收款....」

阿慈：「哦！即係一班人約出黎hae下...」

七妹：「第個我唔知，我地個主人一定係齋hae...」

阿慈：「咁又係，佢又唔會變魔術，又唔唱得，又唔跳得，又唔肯玩低能集體遊戲，更加唔會準備十個笑
話，八個感人故事，六個有味艷史，四個外地見聞，兩個只能活一個，一個都不能小.....嘩！
咁出黎做咩呀？！

七妹：「都話出黎hae羅，聽講舊年係海旁吹風吹水，話個零鐘就走，點知個天黑晒先肯離開...」

阿慈：「但今年如果都係得舊年咁小人，條傻佬話唔搞喎...」

七妹：「咁要睇下多唔多女喇，女多佢一樣搞..」

阿慈：「一樣搞.....d女？！」

七妹：「佢都唔係係女就搞，我夠係女，唔見佢有搞我！」

阿慈：「妳訓左唔知咋...anyway..我見條傻佬，放定一大堆「珍藏」出來，我估到時會有獎抽...」

七妹：「如果佢班老友鍾意，唔介意破費，係可以玩交換禮物架！」

阿慈：「條傻佬有d老友係學生黎，佢唔想佢地駛錢，所以入場費都由一蚊起，就係想佢地就算唔夠錢，都可
以黎參觀下...其實佢舊年都請大家架啦，今年又變...」

七妹：「條傻佬覺得今年會有好多人黎，驚自己負擔唔起，所以咪隨緣樂助羅...但其實會有幾多人黎丫..」

阿慈：「咁又係，仲要揀正「做冬」果日，正所謂做冬咪失蹤，因為黎見條傻佬而趕唔切返去做冬，就認真陰
功！」

七妹：「咁條傻佬都要做冬，同理下午幾個鐘，應該唔會影響到掛....如果想黎的話..」

阿慈：「條傻佬都係想同大家做冬！」

七妹：「都話係出黎hae羅...」

阿慈：「但係有好多要拍拖，要湊細路仔，點黎呀？」

七妹：「帶埋黎現場羅....」

「咪係...傾下偈、飲下野，影下相，交換下禮物，幾個鐘好快過！」

七妹：「我梗係知啦，你唔駛再同我講喎！」

阿慈：「我都無出聲！」

七妹：「咁把聲係...aiya...呢次Pk了！」

阿慈：「喂！我有果句講果句左喎！想點呀你？！」



想多謝你地幫我講晒要講o既野! 感``