Birds of a Feather Flock together

其實我唔係好知「經期出奇蛋」係乜？，但好似係以一個「公仔」，令大家可以正面面對一直被人覺得尷尬，難堪的女性「月事」
























個公仔可以錄自己把聲落去，變成提示聲音

如果你仍然唔明係一件咩事，不如自己上去網址睇睇，高高高！



http://www.facebook.com/photo.php?pid=180093&id=690527178

http://www.youtube.com/watch?v=tvqvmxk-zs4

http://zh.wikipedia.org/wiki/User:Luluism




http://www.flickr.com/photo_zoom.gne?id=2053033384&context=photostream&size=l



有時朋友做的東西，就算唔明都唔緊要，重點是要「支持」，ANN CHOI，我撐到妳盡！，所以我咁怕去人多O既PARTY，都準時（遲左一個鐘）到步，送上最大O既恭賀，同埋見見傳聞中O既「蟾記」




阿ANN在一般人黎講，是怪人，是藝術家，是傻傻地，好難跟到的奇人，簡稱怪人，怪人身邊的人，總不能是正正常常，怪人的形成，同周遭的環境絕對有關係，首先睇睇佢家人




妳見到佢爸爸媽媽，就知佢地一家人，除左樣似，連講的，反應亦一樣，我成日唔知阿ANN講乜，而佢媽媽根本同佢一樣 「祝我個女生意凶靈！」 哈哈哈！ 伯母「生意興隆呀？」 「我咪講生意凶靈羅！」

勁！




如果你用正常人語言，同佢地溝通，你會好痛苦，但如果TUNE得正CHANNEL，你成個人層次立即會昇華，否則你應該立刻離場，去番屬於自己O既世界...

我自問係正常中算怪，但係怪人中就太正常，今晚冒險去另一個世界探險，除了為了ANN CHOI，其實最主要係為左佢，最右邊個位女子




佢叫Ranee K，http://www.raneek.com/如果你有留意香港時裝設計師，你一定知佢係邊個！ 我其實想識左佢好多年，由佢未紅已經想識，今晚終於由阿ANN介紹下，識左! 物以類聚，能成為阿ANN朋友的，正常極有限，你去戲院睇戲，最多咪偷運D「飲料」入場，又或者唔過份O既食物，呢位小姐試過偷運一碗粥入場食，如果你某次睇睇下戲，嗅到附近有「柴魚花生粥」味，，你無嗅錯，發出果位就係佢！

佢其實大部份講O既野，我都聽到但跟唔到，不過有時明咁多做乜丫，望住佢雙大眼睛，聽住佢把超嗲的聲音，還有令你噴飯的內容，我已經肯定今晚是不枉此行！