型

跟葉偉信導演合作，最常聽到的字眼是「型」，我是一個口水佬，強項亦是在對白上，每每說多兩句對白，葉導演就會說「講咁多就唔型架喇！」，每次我總是不服氣反駁 「睇下邊個講，點樣講，擺晒pose講，點解唔型？！」 跟住葉導演通常都沉默不語，即席示範「唔駛講野」就是「型」

多野講也可以好型的！

【導火線】內這一場臥底見面戲，其他電影已經拍過三萬七千九百七十三次，我還以為很難再突破【無間道】天台，玻璃外牆倒影的碰面，葉導演你不但是個魔術師，更加是一個好型的魔術師，沙灘、陽光、雷朋太陽眼鏡、青碼大橋、牛仔褲、結實的肌肉、黝黑的皮膚、肥上司、大班老人家....這就是葉導演的「簽名」！這個畫面已夠我心裡面說了八聲「好型！」，口型兩次「真係型！」，終忍唔住同旁邊的人說「真係好x型！」，還未算，兩個型男針風相對，妙語連珠，抵死到肉，導演，你終於相信「多野講可可以好型！」，然後那一班游水的老人家，跟我第一篇blog【正髀灘叔】的內容有異曲同工之妙，惺惺相惜的感覺好「型 」

大家去睇吧！

最型是坦率直話
最唔型是扮型的人
最型是發自內心
最唔型是沒有目標
最型是堅持到底
最唔型是無器量
最型是懂得寬恕
最唔型是搖尾乞憐
最型是自強不息
最唔型是鋒芒過露
最型是大智若愚
最唔型是斤斤計較
最型是幫人不望回報

還有什麼是最型？ 最唔型？

不用即刻去照鏡，只要你「好心地」，你一定好『 型！』