盧海鵬試咪

今日看萍果黃偉文的專欄，他以盧海鵬押韻來寫近期大熱的TEE，最後講了一個「盧海鵬試咪」的故事，但由於真實版本實在太粗魯，他只能以很婉轉的方法表達，但真實版本實在太到肉，令我心癢癢想告之真相，就等我試下講唔講到出黎。

拍戲要裝「無線咪」收音，安裝妥後就要試咪，通常一般試咪的方法是「testing 1234....」，然後問收音師 「得唔得呀？」，即是聽到嗎？ 請記得重點，係「得唔得？」

而盧海鵬的試咪方法不是說「testing..」，也不是說「試咪....」，他喜歡講一句粗口，就是一句問侯人家母親緊要部位的粗言，五個字，重點是繼續keep住佢押韻風格，大家齊用腦，「咪」字可以押到粗口字邊個音，有了「方向」沒有？

「盧海鵬試咪，xxxx（方向）...」

基本上呢個押韻已經絕，但更絕是，佢仲要講完問「得唔得？」

「盧海鵬試咪，xxxx（方向）...喂！得唔得？」

個收音師點答好，答「得」就即係俾你抽媽媽水，答「唔得」，佢會繼續試

「盧海鵬試咪，xxxx（方向）...喂！得唔得？」
「盧海鵬試咪，xxxx（方向）...喂！得唔得？」
「盧海鵬試咪，xxxx（方向）...喂！得唔得？」
「盧海鵬試咪，xxxx（方向）...喂！得唔得？」

據聞之後有一個收音師想出了拆解的方法

「盧海鵬試咪，xxxx（方向）...喂！得唔得？」

「xxxx（方向）...得！支咪都得！」

但又據聞，盧海鵬會繼續關心地追問

「check清楚喎，試多次，xxxxx....喂！得唔得？」

八八年入行第一日，已經有人同我講，做呢行是帶埋媽媽返工的，不過都是上一個年代的事了，或許是因為科技進步， 每個人的一舉一動，秒秒鐘會被記錄然後發放，試想想這個行內的笑話，如果在現在發生，一早已經有人拍了放上網...所以

「盧海鵬試咪，又點夠科技揮」