我一直想介紹這個blog給大家看，一個名為「the doc is IN」，由星屑醫生主理的博客，瀏灠人數已超過七十萬人次，至於個博客講咩已經唔重要，重要是在博客內的文章已經被輯錄成書，所以我已經遲左，家下希望大家俾錢買佢本書，而唔係F.O.C上佢博客睇，簡直係痴人說夢話！
但我信文字有價，我信十個總有一個會肯去買，十個內無，一百內總有人肯去買，如果咁值得收藏的書亦銷量觸礁，我估我呢世都唔會出書，各位支持下呀~~~
咁點解關我事，你買左本書就會知！
你知道要填滿一頁紙，要幾多心血，精力，還要承受被人千夫所指的壓力，咁點解仲要寫，咪就係想得到大家認同
感謝認同過我的人，感謝默默地等待會認同我的人，如果他是你前輩，他是你師傅，只要他輕輕說一句
「你而家寫得好左喎！」 就足夠我繼續天昏地暗寫下去！
不敢把你的話原文盡錄，但那句我等了十多年，好想回答你「我終於無失禮你！」，但大家都gag佬，我怕你會答我 「唔駛擔心，其實...你唔寫...咪唔會失禮我羅！」
我知你其實唔會咁講，我當提醒自己，當係一種動力，當係食飯，飲野無俾錢之後，醒番個punch俾你！
放心！我會繼續努力，因為我真係唔想飲野、食飯俾錢，嘻 ~~
4 comments:
-helenato-
佢係咪醫生呢架?
有冇卡通"黑傑克",
同"天馬"醫生咁
做人做事都咁型架?
噢,本書係咪响一般書局都有得買?等我叫我屋企人幫我買然後寄比我呢
你寫嘢唔係唔好睇呀,坦的講我以前覺得你嘛嘛哋,好似淨係會寫啲所謂gag,家陣睇得你個博客多,都覺得你寫嘢唔係淨係gag,都會寫深(心)情嘢呀!我响老遠都會實博慈你喎 :) 到你出書我都會買架!
F.O.C.!! What a wonderful term =D
But since you highly recommended this book here... I won't read it off the web FOC!
mich：
欣賞妳
Post a Comment