他不像游乃海，有杜導演庇蔭，他亦沒有彭浩翔的包裝，更加沒有溤德倫 ，鄭忠基的名星效應，他只有默默苦幹，希望有日大家從他的作品中，去認識他，他的名字叫 郭子健，他是位導演！
他也是一個編劇，大家留意葉偉信的電影，就會發現他的名字，坦白講，他還未有代表作，在這個圈，你無賽績，如果不是社交技巧一等一，想上位談何容易。然後總有人跟你說，你有個好劇本，實有戲開，但我所知他寫好了劇本，找了年幾才遇到曾志偉這個老闆，說他的劇本令他在飛機上，哭得死去活來，同機的乘客以為他失戀，決定幫他開拍這部戲，叫他準備，但一準備就兩年，對呀！他等了兩年，這種執著，對電影的痴愛，我望塵莫及....
終於等到今天
關於他的Debut，我來說實在太唔公平，大家去看罷，畢竟電影是拍出來看，不是拍出來講，但我肯定，他是屬於電影，他是值得屬於電影~~`
看罷在這裡留言吧~~`
12 comments:
海灘, 我今日都睇左野良犬..我覺得好ok..完場後有發問時間..我唔知你走左未..但係導演d對答真係正到想死..勁搞笑..
"中間點解加d字幕..因為接唔埋囉..."
其實我覺得佢同你都幾似..講o既野都係咁搞笑...政府總部都係有個摩天輪好...
桃
我都有興趣睇但係荷蘭冇得睇呵..又如你所講佢未有代表作,咁睇番之前嗰啲係咪真係唔得呢!?
噢,拜杜喴,你指"但白講 = 坦白講"係咪 ;) 嘻嘻
"畢"竟電影...............(笑笑地)~你好啊~第一次光臨~
郭子健係不久嘅將來，可能亦會受到「便利」邀請做專訪~
講起「便利」，對上個次買佢要數到"Secure Wing" 嘅年代，當時「便利」仲係一本潮流刊物~
早兩日再次幫親呢本刊物，發現價錢竟然仲平過份報紙... 世界變~ 自己更變，竟然會為一段訪問而再次買雜誌~
但諗深一層，幾蚊睇一編訪問都幾係野... 為咗唔好浪費，睇完編訪問就"黎"手將本野比咗個拾紙皮嘅呀婆，物盡其用也~ =)
anyway, 「便利」應該多謝您個編"Flattered"，如果唔係今期又會少咗一位讀者~ 您也要加「710」! 「710」係乜?!老外笑話~ 自己諗啦~
對不起, 我真的無留意, 是否司徒錦源? 如果是的話......又對不起.......不知為否, 他寫的劇唔知點解比我感覺有陣"黑氣".........睇完後唔太舒服......可能e啲叫"好"掛......!
郭子健
我支持你 !!!!!!!!!!!!
toPAUL：
我寫住係「郭子健」，你仲要問係咪 司徒錦源，你係呈心，定係司徒FANS呢？！
TO 桃
我當然睇到開晒燈，D人走晒先走啦
唔係咩叫撐場呀！
sorry sorry! 睇漏眼!!! 我只不過search 葉偉信, and 編劇....... and see the list of him...... you metioned 曾智偉ma, Then I think is him.
郭子健..... I've only watch "小城大事", will see 野良犬 if it's on show!
灘叔叔, 好掛住你呀~
現在幾乎一個月才有時間來探你一次, 收音機呢, 越來越少聽, 忙得要吊頸~
首映我也有看呀~ 還見到你呢~ 坐在你後兩行
散場時你走得好快, 在大堂還見到你的大頭鶴立群眾, 下樓梯後就不見你蹤影, 好想拍個照呢~
導演好搞笑, 電影亦充滿童真, 特別是樹妖那幕, 彷彿只有卡通世界才出現
期待更多郭導演的作品 :)
之前睇戲果陣見到trailer都想睇, but宜家唔起香港所以冇得睇.
我又留!!
海灘,首影我都有去睇,咁大個女第一次睇首影.
野●良犬的格,令我諗起sabu/杜琪峰,之但係又唔會覺得唔統一甚至核突.
郭生佢好清楚自己要做一部點樣的戲!
Q
Post a Comment