Flattered

我跟好友說 「有雜誌找我做人物專訪」 朋友興奮地追問「 邊本呀？」 「一本便利！」 朋友樣子即變「 唔係嘛？！」

可能大家的反應亦跟我朋友一樣，怎至乎中間會加多個粗口字，我其實無睇雜誌好耐，我跟本唔知道本雜誌幾有問題，再心想「係羅~`阿嬌事件，cream件...呢次出事~``」

於是我想盡方法想推左唔做，但對方態度並非一個壞人，再四出問訪，其他人對找我那位記者的評語都是「ok架！」 我心軟的老問題又出現，打電話想決絕推辭卻變成「我唔想扮鬼扮馬，我個image要decent！」 對方想了半秒便說「好的！我會準備岩你image 的打扮」 我突然不懂反應「喂！呢衫鬼咁馬六我唔著架」
「放心，唔會鬼咁馬六」

我試個做訪問得好靚上身西裝，但下身要著「孖煙囪」，又試過上身著豬肉佬背心，下身著睡褲，仲要抽開條褲，話要同下面張海報做個對照
但我是這部戲的導演，影幅咁相會唔會唔岩數呢？

「咁好笑D嘛！」




不懂拒絕人是困纏我多年的問題，「不懂Say No！之後就會Regret！」，我唔想重蹈覆徹，我決定去到d衫如果錯晒，又或者要我扮鬼扮馬，我就即刻轉身走，然後熄電話番屋企訓！

點知一去到拍攝現場，記者外有攝影師，仲有助手，女服裝主管，仲有化妝師


佢真人無論樣貌、打扮都十足十章小蕙，但由於急趕，影左佢最唔似的地方出來




嘩~`準備左四套衫我換，Agnes b都算ok喇~`

拍攝過程亦沒有叫我「笑丫...笑得好笑d...衰dd....咸濕d....賤格d好睇d...」，只是不停提醒要笑，我言帶挑釁「唔笑個樣好串呀！」 「笑好睇好多，唔會俾人誤會你惡死呀！」

訪問過程亦感覺良好，其實整個過程感覺亦很好，但離開時，我的悲觀思維不停告訴，就是要你更加失望、難堪，現在才給你感覺良好的錯覺~` 唉~`

我希望一切只是我的錯覺，我希望你應承過不會提及的東西，會有口齒~`

【一朝被蛇咬，十年怕草繩】

不要怪我