終於面世了，早前在這裡及電台介紹過的一本書，我看初稿的時侯暫名「我在聽你說」，我覺得老土，但簡單直接，「無料呻吟」東洋味重，切合本書背景，但班客未必一睇書名就知本書講乜！不過Don't judge a book by its cover！否則你會錯過一本好有趣的漫壓秘笈！
有個橙色頭的中年日本人，三年來在涉谷、原宿、新橋、橫濱....多個地方，每天聽不同的人說話，不收費（無料），無特別意圖，就只想提供一個渠道，一支咪給其也人說話，說那想說的，開心、痛心、喜事、白事、心底不敢說的，不能夠說的.....只要你肯說，他就肯聽，無特別分析，亦沒有提供解決方法，總之俗語有云「講左出黎就會舒服好多~~~」
書內記載的真人故事，儘管我覺得可能有一些經過人手強化，但打個七折好未，內裡人物的遭遇，相對我們面對的所謂壓力，真係小巫見大巫，雖然人比人比死人，但生在福中不知福，無病呻吟的朋友們，看罷這本書，可能會改變自己的做人態度！
世上亦需要這樣的一支咪，像從前商台的「無人駕駛」，但對著有血有肉的真人說，總比對著冷冰冰的機器留意來得真實！
「你有無留給空氣的說話.....」
ps：Angela，沒有無人駕駛，但我在聽妳說......
16 comments:
所以人始終都係群體動物來的。
"世上亦需要這樣的一支咪”
um！我諗而家”blog”依様野，
其實就係戈枝”咪”lu！
Beachie,
我曾經打過電話給無人駕駛。
那時我打了三次便被接通,
接通了的時候,真的有點不知所措。
我當時說了一句很行的話:「嘩,通左啦!係咪我呀?喂?喂?」
哈哈,之後我話:「我今日好開心呀,我今日見到葉佩雯呀!」
之後我都唔知講乜好,我好似講左句:「好啦!ByeBye!」
唔知你有無聽過無人駕駛,我以前係無人駕駛既忠實Fans,晚晚都聽。
曾幾何時,我仲記得有幾個人成日打電話上去,
一個叫明教教主,一個叫路邊野草,一個叫一舉成名(成日話好鐘意城城,都o係機場會Concert,開三千五百場,每場一分鐘。仲有一個叫林x基,呢幾個人成日打上去。哈哈。
咁多無聊人打上去,又有我呢d無聊人去聽人亂up,哈哈,真無聊。
AnGela**********(At school)
哎吔！！！！
超級”魚”同埋唔好意思呀！！
打錯左個”鄒”字”做個”周”字！！
好魚！好魚！魚到爆炸！！
希望鄒"海"灘叔叔你唔好介意！！
不過，亦都非常多謝你個CM！哈！
用blog黎講曬所有野出黎，冇人會知亦冇人會去理... 但到你真係想一野爆曬d野出黎時，你又會寫唔出~ 問題係在於「安全感」 或者係表達能力嘅問題‧‧‧
係呀! 我都想有個不是我生活圈子內、但我又可信任的人聽吓最近大半年令我幾困擾的事。
昨晚睇了套紀錄片「工人煉獄」，知道世界某些角落可以有人在那麼艱難、危險的地方工作為求生存。
那我啲傷風悲秋只是雞毛蒜皮罷了。
無人駕駛比到好多回憶我架......晚晚追.......竟然晚晚係同我細佬一齊追聽....從未如此CLOSE過.....哈哈哈
人欠安全感, 內心話又想有人分擔, 這個世代, 疏離反見真摰
其實0係blog都唔可以講我最想講出黎既野﹐因為唔比得人知﹐所以我有時就會0係blog講D似是而非既說話﹐無subject既句子。。。其實0甘樣都幾傻﹐根本無人知我up緊咩﹐但又想講出來wor。。。唔怪之得個mic會有捧場客啦^^
我在你的節目听說過這本書,若你和三姑真的肯模仿他這種捨己為人的精神,相信反應會不錯
unkle beach,
請問閣下對於撞鬼有何看法?
因為我有個同學尋晚聽完電台就出事。
第一次上滩叔你个BLOG````留一留言啦````
唔好意思啊``我系广州人来的```唔用惯繁体字```用住简体先``我会慢慢学加啦````希望你唔好介意~~~~~~
讲番你呢次的topic```我觉得现实中的我地总系想讲D野出来的``但系```每个人的性格都唔同```总有D野系唔可以讲的```呢D禁熟的朋友难道真系都不如甘样一个陌生人?
人,总系有戒心的~~~~~~
對~ 人其實很需要一個傾訴對象 ~~
不需要安慰 ~ 不需要意見 ~ 甚至不需要身同感受 ~
只是想要一個人可以聽聽自己說話 ~~
angela好幸福!有你聽佢傾訴.
心底話往往最傷人心, 還是不能說...
人手trackback:
http://skyblue.vivian.jp/blog/archives/2006/10/post_56.php
Post a Comment