睇. 拍 . 戲

其實我是想看「花樣奇緣」，準備看罷即刻回家看「下妻物語」，點知好老定，係『美都』食野食到七點先行過去，去到先發現爆棚！撞鬼，連我都唔記得睇戲係會「滿座」。好彩仲有部「volver」（浮花），今年我最想睇兩部外語片其中一部，另一部係Sophia copola
「Marie Antoinette」，我想睇佢七年之後，拍 Kirsten Dunst有咩分別！ 講番「浮花」，算係艾生無咁serious之作，之前兩部「talk to her」、「bad education」好睇，但看罷性緒會壞，呢部怪雞得黎都算幾好笑，艾生的電影，總會有對侵犯、期歧視的控訴，對愛的歌頌！女主角Penelope Cruz，我由佢九二年第一部戲「jamon jamon」開始就好鍾意佢，但我係喜歡佢冷艷但性感，演技就一向都覺得麻麻，其實今次要佢做c9都有點勉強，不過場場低胸，樣唔似，戲唔夠，都仲有其他搶眼野睇，艾生，你真識用人！有人話王家衛康城女主角俾晒呢部戲係嘩眾取寵，但睇完部戲我又明點解喎，呢班女演員真係個個都做得好喎！以口水戲黎講，算相當不俗了！ 離開時侯，在廟街見到劉國昌導演在拍戲，環顧一班工作人員，無乜邊個識，我諗真係好多已經頂唔住，轉左行...SIGH....其實當時我正準備過海探葉偉信班，本來見到仲有另一組人開工，真係好開心，家下開工都難，何況一日內可以有兩部開緊工，但見到從前並肩的人已不在，先醒起我都好似人不在此，分開是為了下次再走在一起，似乎是時侯了，要放多些時間精力再愛這個舊情人！點花心都好，我揀左係妳就係妳！
volver的意思是return，我好快就會番黎！ 左邊是「暗花」、「剎破狼」編劇司徒錦源先生

到現場是我從前的最大嗜好，睇拍戲，無壓力，冷眼旁觀有野學，以前仲有明星睇，大片仲有飯盒食，有燒夜食，仲有咩地方好玩得過片場？！
拍戲大部份時間就係等，等的時侯最好就係「吹水」，有人話「Volver」d文戲好「吹水」，真正吹水你只會係片場見到，一個場可以同時有十幾個話題吹緊「波經」、「馬經」、「講北上」、「講是非」、「講咸故」、「講當年」、「講減肥」、「講買野」、「講人生」、「講政治」、「講大話」、「講得出都可以講」
一份咁好工作，一個咁好情人，唔對佢好d，真係對唔住個天！VOLVER~~~

呢個背影未算型！睇落去啦~~~

呢D就真係靚仔導演喇！SORRY...係靚仔有才華導演 Wilson Yip。