都講過，有些微不足道的事情，但發生係「大日子」，一到過時過節，什麼紀念日，你就會自然想起！
五年前的九月十一日下午，我拍攝的電影「男歌女唱」，只剩翌日的拍攝，當時我是「嘩嘩嘩」的其中一個主持，無錯，就係同阿澤果期！我請假出去拍戲，戲拍完後，原則上我應該返回自己電台主持岡位；於是我下午番電台搵當時二台渣fit的一位高層，商討我幾時再上班的事宜，但對方支吾與對，唯唯諾諾，顧左右言他，我心裡已知道佢想話 「叫我跟住唔駛返！」當時年氣盛的我，覺得對方好無用，做到咁高位，連呢d問題都唔識處理，於是你唔講我自己講「其實個節目係咪唔駛我喇？！」，佢當然時繼續支吾與對，唯唯諾諾，顧左右言他，我心裡面覺得對方好廢，同你合作真係貶低我，如果我再唔走，就會開聲X佢！於是我就係咁離開左「嘩嘩嘩」，之後每當夜闌人靜，當那色士風無幽幽的響起時，我總會想，如果唔係佢，我今日成就會唔會唔同，會唔會變到阿澤咁（其實我好唔恨）；老實講，第一次做電台純係因為心願，拍茱麗葉時膽粗粗同君如開口話想做，跟住李力持又要去拍「少林足球」，就係咁樣就入左做，做左差不多一年，又覺得自己仲好想拍戲，又難得有機會拍，咁咪請假走羅，做過咪算羅！今次再做番電台，我當係一份職業，我每日都想，點可以令自己份職業變成事業，心態不同，想法也改變！所以今日再想起這件事，這個人，我終於明白問題是在於自己！如果我緊張份工，我個上司就算點無能，都唔可以開口話佢知，更加唔好係個樣到寫住「你好廢！」，正確方法應該係想出一個解決方法，唔覺意pass俾佢，當係佢自己諗到，令到佢變成你恩人，咁就雙贏局面！其實邊個係邊個恩人，大家心照不宣啦！
對付廢上司只有一個方法，就係快d變成佢上司，所以首先要唔好俾佢趕走！叻過佢一d都唔出奇，但更加叻係唔好俾佢知道你叻，大智若禺！唔怕會教精佢，佢無左你唔得，佢上自然會帶埋你上，做到一人之下，萬人之上絕對唔錯啦！『世界之最攀上更空虛』（隨意門 Y）
講番五年前，好記得夜晚係去新伊館睇「絕世名伶 范曉萱 」，當時大S、細S仲同佢（S O S）唱OPENING，兩S都完全唔掂！睇完出黎，d電話聲未停過，全部都係講「世貿俾飛機撞！」，無人再講過個演唱會！
其實當年個演唱會未算好精彩，但永世難忘，咪又係果個道理羅！因為發生係911果晚丫麻！咁大家以後唔會唔因為911想起 關海山先生！ 蝦叔 R I P
12 comments:
I totally agree with you. I'm the one who easy to forget things and people. I can't remember what I did last Sunday. However, Sept 11, 2001, it's part of my memory. I still remember the plane, world trade center, even what I did that morning. Five years already, we all change alot. Five years ago, I still said "I love Canada, I will stay here forever." Today, I am moving back to Hong Kong next week. Never say never and forever.
係喎．．．你唔提都無留意添!!!
I live in Chicago. I still remembered what happened five years ago. Just like yesterday.
I don't like today (9/11) not just because all the media keep reminding us about what happened. Also, it reminds me how I was worried by someone in Hong Kong but today he became a strange who loves somebody else but me!
珍惜你的一切, 他/她不是理所當然.
好彩你返左黎做。。。
好幾年我每個月都會同一班朋友去搵間餐廳食晚飯。 去過的地方數之不盡。
但我們永遠記得那晚在那處食飯。
睇完United 93，自我沈澱了大半小時。
太接近事實的戲不是散場後嘻哈走人了事的。
唔怪得知當年你做"嘩嘩嘩"做得好地地忽然又冇做, 原來比人......
回想當年節目, 阿澤就好似宜家個阿田咁做下
把, 講野又講最少, 主力都係你同三姑帶出話題, 不過阿澤有時都有啲金句, 好似
"豬扒都變雞翼" 等等等等.....
發覺你好鐘意節錄eason d歌....
唔知你係鐘意聽eason唱歌..
定係鐘意wyman既詞呢?
朋友二號----->
911的第二日是912,是哥哥(張國榮)的生日
年少氣盛, 很多人試過。
幾年前, 我更在老闆面前將他們臭罵一頓, 他們目瞪口呆, 但我繼續罵下去, 直至順氣為止。
雖然最後他們都繼續請我, 也不再敢惹怒我, 但現在回想, 覺得當年好傻, 傻中帶堅。
現在圓滑了很多, 這就叫成長吧~
當年 911, 望著電視哭起來, 所以至今, 甚少回憶當日畫面, 好痛苦~
對呀對呀！怪不得當年無lala唔見o左你啦！幾唔慣呀！老實講，我追住聽，都係因為你同三姑令我笑爆肚咋！其他o野，就無謂評論啦！加油加油！
對呀對呀！怪不得當年無lala唔見o左你啦！幾唔慣呀！老實講，我追住聽，都係因為你同三姑令我笑爆肚咋！其他o野，就無謂評論啦！加油加油！
i'm sure u have now gained a lot of radio fans since you come back to 'he she hit'
[i'm one of your little fans too :) ]
Post a Comment