我鐘意貓，但我並不是一個貓迷，起碼我無飼養！原因係同養小朋友一樣，人地果個梗係好玩，但到自己養就超多問題！佢點可愛，但咬爛我張梳化或者其他野，又整到成地毛，搞到我狂打三十個乞嗤！ 擁有就要供養佢！ 所以我無貓！平時玩貓，通常去朋友屋企，養貓多數係女仔，貓咁嗲又識dum人，俾隻貓錫梗係好過俾男人激啦！不過有得激梗係好過無得錫啦！但記住什麼都會有癮，我有個朋友由唔鐘意貓，養左第一隻之後，半年後總數養左四十幾隻，間屋得四百幾呎，去到佢間企就會唔鐘意貓！總之養寵物同轆咭一樣，會泥足深陷！要有自制力呀！老友！
除左無聊會去勝利道，總統戲院睇下貓之外，我鐘意去『阿貓地灘』，原因除左有個灘字之外，佢多貓可以玩，仲可以抱，消費又唔算高，但呢d都唔係我鐘意去的原因！我最欣賞係佢個「慨念」！
其實「阿貓地灘」係一間日式夜總會，你去夜總會，會有小姐陪妳坐，然後你在店內消費，玩得開心，俾得舒服，普及化咪就係阿貓地灘羅！一間正常咖啡室，但去到有一大班貓陪你玩，你想多d貓陪，只要幫襯多d就得，即係買多d貓糧，你無本事d貓就會過，你請佢食又唔代表一定俾你摸，賣藝不賣身你知架，講落其實似石塘嘴多過夜總會，平價燒金窩！
所以果到成日聽見d客人問d青春女待應「fifi呢？」 「bobo呢？」 我覺得咁問，女待應應該答
「係果邊等緊老細你呀....」
至於我次次捧場個打令就係佢！MINI！
鐘意短毛貓，感覺爽朗，輪廓清晰，同埋有格，識嗲人又會發人脾氣，呢d女，唔係...呢d貓真係dum死我，我無餵佢食野，個個都餵，我梗係要有d唔同 ！
雖然我知道每個客同妳關係都可以咁親蜜，但係我唔介意，因為我知妳個心係向住我，我唔會睇妳唔起，但我點都唔會救妳出火海，大家保持呢個關係，先會永遠記住對方！
妳好嗎？M U badly！
36 comments:
非常認同保持呢個關係既理由
灘叔, 唔一定女仔先鐘意養貓o架, 我男人老狗, 都有兩隻貓女養係屋企喎!!
灘叔個打令都幾cute
不過我就鍾意唔望鏡頭．．．灰白色咪埋眼睬你都傻果隻喇！！！
有性格．．．似我．．．哈哈哈 >;<
同朋友保持一種既親近又有距離的關係真係好難，好高學問。尤其我這種沒甚朋友的人。
我想推心置腹的對一位朋友好，想經常跟她傾計，奈何我只是她好多朋友中的一位而已。
我已經常跟自己說要放開懷抱，唔好咁死心眼。但係修行都要時間，道行未夠高到咁瀟灑。俾啲時間我。
你講得啱，寫吓嘢抒發吓。我的blog建設中。
我呀媽係個貓痴....
所以我屋企高峰期有13隻貓...一隻狗..
而家都有5隻貓...多左1隻狗..即係兩隻...
但係我屋就大咯....都300零尺架~~大到呢...好大獲架~~我屋冇左梳化已經十周年喇..我亦唔會著深色衫...唔係d貓毛就....
洗都唔走架...但係返到屋企見佢地企哂係門口等你....就幾辛苦都值架~~你可以去我blog睇下d相....
我都有去過阿貓地灘，我覺得果到啲貓唔太似貓，似狗多啲。我第一次去好好好開心，因為啲貓貓可以令我重拾與我以前小狗嘅開心日子...
海灘, 我都好鍾意meow架! 哈哈
我之前揀錯時候去阿貓地灘 (sun afternoon), 見到d小朋友勁追d貓, 用貓棒"料"佢地出黎玩... -_-"
所以覺得果度d貓已經唔貓...幾怕人喇!
介紹你去多個地方,
貓館Catfe - 旺角西洋菜街南238號3樓 (太子地鐵站附近)
果度有5隻好可愛既meow, 年內我去左果度差不多6次... 好癲 :p
我都有貓經想分享 =)
要我講,一整頁都講唔完我隻貓的奀皮史.亦無數次想過同佢開年. 不過有時諗諗下,貓既世界其實好寂寞,得主人同間屋,就會慢慢下左道氣.貓又唔同狗.狗都可以出去吸下新鮮空氣.又可以俾主人抱住行街show off一下.一個人係屋企成日都悶, 你都會搵野做娛樂自己啦
有時d主人返到屋企見到貓貓亂咁柯啡啡or打爛晒d野就會搵隻貓出氣.其實,佢都破壞左樣野咁耐你先黎打.佢都唔知做咩事無段段俾人打左鑊
有個朋友話我知佢養左隻灰色exotic三年, 佢話因為鼻敏感, 三年來一直都係困住隻貓係籠, 可能一個禮拜放佢出黎玩一陣 T_T 我聽到都鄧隻貓唔開心. 唔愛佢就放生佢吧啦!
前幾晚路經上環街市,見到佢兩兄弟訓得好淋,忍唔住影低佢!
[IMG]http://i17.photobucket.com/albums/b95/amiechin/mowmow.jpg[/IMG]
佢地唔係系出名門,沒有住豪宅華庭,亦無人照顧起居飲食. 但係佢地自由自在,可以率性地吃喝玩樂.
WO~..好得意牙..d喵喵//一直都好想去..
但係我都唔知我身邊ge人都唔鍾意d 喵喵
狗狗 整到我一路都冇去到..真係好想去下!
你要俾野食佢至過黎...我就唔駛喎,D貓自然走過黎唔願走;但可惜我唔係識貓之人...善哉...
灘叔叔～我係Ａｎｇｕｓ～我Ｅ-Ｍａｉｌ係"angus412310@hotmail.com"原來你鍾意貓貓架！？我都係啊～我有養添～=^^=～
比Ｄ相你睇丫～=^^=～
[url]http://photo.xanga.com/angus412/albums/cb70a4241768b[/url]
[url]http://photo.xanga.com/angus412/albums/ca1194741798b[/url]
[url]http://forum.uwants.com/viewthread.php?tid=2573265&extra=page%3D1[/url]
我鍾意貓，
睇貓，玩畫，養貓，畫貓。
養左第一隻之後既幾個月，
都忍唔住買多隻。實在太可愛。
但我唔敢養太多，
我怕屋企有貓味，又要付出更多金錢。
我而家一放工已經要狂清潔，吸塵拖地，
消毒等等...有時覺得唔知為咩咁。
但佢地一行埋黎嗲我，喵我，
心就即時軟哂嚕。嘻。
明明佢地岩岩整到屋企亂哂都仲會讚佢地乖。
灘灘, 我唔鍾意養寵物o既原因, 係因為我知道佢一定早離開過我 (其實我早離開過佢會更慘). 我唔想面對離別o既一刻. 尤其是我呢 d 巨蟹人, 太容易建立感情; 好話唔好聽, 我用一支牙刷用得耐, 要掉時我都會有一秒鐘覺得唔捨得; 譬如對鞋同我一齊去過旅行, 之後爛, 要掉, 我都會覺得好唔捨得...
對死物我都可以有 d 咁 lively o既感情, 咁如果對住 d 生物, 我諗我會面對唔到...
與其係咁, 不如斬腳趾避沙蟲... 唔養好過... 我都係得閒去 d 廚窗睇 下 d 貓仔就好開心.
飼養貓/pets/小朋友牽涉許多問題, it takes a lot of courage. But if u are brave enough to take the risk,
life might become more meaningful/colorful. Well! there's always exception, who knows!!
點解!!!點解你去阿貓地灘我去阿貓地灘，我去既時候d 貓貓就唔理人淨係掛住訓，你去既時候就坐埋上你膊頭?! 嗚嗚好唔公平呀T.T
小妹都好鐘意貓貓架~~ 我都有去過架!
~ v * ^ ~ ^ * v ~
果度d 喵. 肥到…像一張sofa* 正哈哈哈~
你就好啦~ 與貓咪可以如此親密。
每次到那兒, 貓咪都只會與我擦腿而過, 完全不理我呢~
話分兩頭, 你不覺得這些貓貓好慘的麼 ?
一天到晚被閃燈閃, 被騷擾。若果我是他們, 會覺得好煩。
有時聊天至店舖打烊才離開, 好多貓咪早已蜷在一起睡覺, 疲憊不堪, 看到這情景, 有點心痛。
Beach Beach,
睇吓睇吓,原來同你都有好多共鳴點喎;鍾意薯仔,又鍾意貓...果然有taste!唔知遲d會唔會重有其他喜好一樣呢?!!
有無去過呢度:
http://www.cat-kingdom.com/cm/index.html#
Meoo...ooow
灘哥仔, 禁一下我個名啦!!入面d貓得意到你唔信!!!!!!!!!!!嘿!
hihihi... I live in CANADA toronto... I listen to your show everyday...but i'm not your fan law... i'm actually fan of sandra... I'm 16 but I saw all her movie... even the movies that was made before i'm born... I dont know how to write chinese but I can kind of read it... Whatever just being bored... my name is 一孚(yat fu) and here is my blog http://edsincool.spaces.live.com/
Please go to it and leave I comment ah... It will mean alot to me... if you think I'm interesting enough then please add me...
灘叔頸上的貓..
我也抱過....
但....
我一抱起牠....
佢就拚命掙扎...
我會食佢麼?! =.=
我都去過阿貓地灘呀, 不過呢, 唔知點解d貓唔係好理我, 唔知會唔會同我養開狗有d狗味有關呢??
另外, 仲有一間貓cafe我都間中會去架, 0係太子油站附近, "別府"拉麵0個條街, 間上樓cafe叫做"Catfe", 雖然d貓冇阿貓地灘咁多, 佢只係得幾隻貓, 但係地方好舒服, 坐得舒服, d野食野飲我都覺得比較好架....同埋最好0既地方係, 就算驚貓0既人都可以去, 因為d貓唔會周圍走, 咁如果你有朋友係唔鍾意貓, 但你又想同佢去飲野順便又玩0下貓, 呢個都係一個唔錯0既選擇~~~
我唔識個老闆架, 唔係hard sell呀, wakakkaa
咦,..我都成日去架ｂor..得閒睇下撞唔撞倒你先..XD
你有冇俾d貓玩死..xd
我都鍾意貓
但我無能力養
如果我養的話我一定會去愛護動物協會領養
http://www.cat-kingdom.com/cm/cm_long.html
睇貓貓, 喵~
貓.....我自少都很怕佢地對眼
所以感覺不到佢地ga優點
灘叔,D小貓真係好可愛,超得意.可惜我係一個怕有毛動物既人,隻能遠觀不能近摸!有時見到D超得意動物真係好想過去摸下,但我又怕左距D毛.真係慘,見到你地可以同D貓咁親近好羨慕啊!!!!如果你有咩方法可以唔怕既,請你話我知.
想講你知....你帶呢副超...有d似杜琪峰扮黑社會大佬的feel.....
miss you!!
Uncle Beach,
我個老公都十分鍾愛"CAT".
我諗住送一隻比佢做生日gift.
但我地係一個月前分開了...十二年, 兩個兒孑.
宜家當見到貓...就會想到他...
sorry, 攪到個場咁sad.
Brenda
I like this entry~ :)
DEAR UNKLE,
點解我入唔到 CHAT ROOM 呢??
有無人可以幫到我呢?
http://www.cat-kingdom.com/cm/cm_long.html
超级无敌可爱猫猫视频！！
快D作文啦﹐等緊呀
自從開始養貓,一直養開狗的我,體會到另一種感覺和開啟另一種視野.
Post a Comment