我唔係講笑，我真係鐘意三姑，唔係因為佢靚，唔係因為佢好笑，唔係因為佢叫我做電台，唔係因為佢介紹我俾陳可辛寫劇本，係因為佢「串」，唔係串人果種串，係行為串！
雖然佢口口聲聲話自己係普通人，好可惜，全香港都識妳，想好似普通人咁生仔，要用比普通人多幾倍錢之外，仲要用多普通人幾倍腦汗，度條絕橋避開晒所有狗，佢已經做到九成九！佢爭小小就可以十分滿足咁講
「我度呢條橋真係天衣無縫！」
而家就言若有憾「我呢條橋爭D就天衣無縫！」
無所謂啦~~~~妳真係已經度得好好，好串，好串！ BRAVO！
知道呢段時間妳會好辛苦，我好諒解，咁大個胸，未慣係好辛苦~~
好好休息~~~
今晚好warm，好touching
生命真係一樣好奇妙的東西
咁講好老土呵？不過生命真係一樣好奇妙的東西
4 comments:
我都好佩服3姑可以收得咁密實, 不過只要佢開心就得啦~~
3姑is so sweet in this pc !
新生命的誕生真係好奇妙！純淨得沒有顔色！
而最奇妙的，係會令我地回想起，曾幾何時，同樣純淨透明的自己！
究竟在何時何地開始，我們已染上了一身的斑斕？
我懷念逝去了的美好！
可惜一般人重视新生命是价值,忽略"老生命"或"已存在生命". 一切只是过程.
Post a Comment