出發

YEAH！最留意FB/WB最新UPDATE~`

等出發前的一個奇妙感覺

『東京下雪 創41年春季最遲下雪紀錄』

受到強烈冷氣團影響，日本關東甲信靠山地區昨天開始降雪或雨雪，東京市中心等地今天也降下雪雨，創41年來春季最晚下雪紀錄。

我本來係想過呢個星期周末過日本，後來因為決定要418行動，所以打消左念頭！呢一刻我係度諗，如果我真係過左去，我個處子之身（第一次見雪），俾左一個四十一年第一次的老處男，感覺應該是無奈，還是覺得黑色幽默，定其實係再一次提醒我，不要讓無謂東西變成了你的負擔呢？
天氣反常面面睇都是壞事，但作為一個深信香港都有一日都會落雪o既人o黎講，我願望成真又行近一步，再加上咁都避得過日本場雪，再行多一步，有時未知仲爭幾多步唔緊要，繼續有得行已經好開心，好有希望！

又繼續等.....

418 整裝待發

參加PLAN A人仕請注意，等待地點，時間及車牌號碼已經傳到閣下電郵，快CHECKCHECK，明天準時見，遲到唔等，包括我在內！

參加PLAN B人仕無咩要注意，ANYTIME 黎就一齊玩！



好似中學去旅行咁添，巧賤爭呀！

418~ 等待出發

報左名或未報名睇定d先決定418去唔去的朋友們，心裡面一定有一個最大的疑問「星期日落雨咁點算？」，我現在一次過向大家解答，「真正的好天氣，是我們心裡面有陽光！所以果日一定係好天氣，或者我再清楚d講，果日無論外間咩天氣，都風雨不改！」當然大家可以有自己的選擇，不過我架旅遊巴就book左，所以我點都會果朝十點係九龍塘出發！

而關於等車地點及車牌，參加Plan A的朋友們，星期六記住check email，初步肯定係會係九龍塘火車站，近理想酒店到等，但車牌就要星期六先知！

而關於食物及燒烤叉及炭等問題，參加BBQ的朋友們，只需帶備食物，而份量就多你自己想食少少就夠，唔夠食好過浪費！叉及炭及爐，我會有專人為各位預備好，所以參加Plan A的朋友們，其實只要帶個「靚人」及「靚心情」來玩就足夠！

而參加Plan B，即係唔到LAST MINUTE都未決定到唔到果班朋友，TAKE YOUR TIME，我同大家十點九就會係度，你地有MOOD就隨時過來吧，至於點搵到我地，請留意下面「行動圖」


去到大美篤，落車 行入停車場，企我呢個位，會見到手指住一座建築物，呢座其實係「公廁」
行到公廁隔離有條小路，繼續向前行

來到呢個路牌下，跟我手指方向前行


就會見到果座「公廁」，然後再跟我手指方向再前行


來到呢個check point，沿我身邊的路繼續再向前

目的地就在我手上


然後望番另一邊，見到 大美督路，跟我雙手方向再前行




一般情況下，一分鐘左右就會到我身後呢個「水上活動中心」，然後請歡呼住跑入去

你就會發現有班比你更大聲o既人聚晒係度，果個地方同果班人，就係你要搵的目的地！

大約係我呢個位，行前三格咁上下，不過你行到呢度，仲點會見唔到我地丫

呢度將會係我地聚腳點，大家相聚後，可以bbq，可以自己活動，可以跟我一齊hae，總之想搵番大家就返黎呢個位！ 就係咁簡單！禮成！


當日我會拍攝一條片，名為「What a big joke大美篤」，拍攝內容係一班好靚好開心的人玩左好難忘的一日，大家準備著靚d之餘，我仲想係度RECRUIT一首自創的「音樂」，未來用作這條片的配樂，有心人你就算未有歌，都可以先報名，為這條片度身訂造一首主題曲！

418~ 我等待著出發！！

些些

我曾經以為無五年呢度都唔會有一百萬人次探訪，現在四年已經接近二百萬人次，感激由我第一個背影，就支持到現在的老友們，我愛你們！亦感激中途加入，但到現在仍沒有離開的老友們，我愛你們！最感激係不但無走，仲叫人過來支持我的老友，我愛屎你們！










四年前的我，跟現在改變了許多，從前我希望引到人笑，現在我希望可以帶給人快樂，也明白到自己快樂多一些，別人就會快樂多一些，這就是傳說中的「些些」，希望我們永遠都可以「些些」，我「些些」你們「些些」我！



君如的女兒跟這裡是同年同月同日生，把這個祝福送給她，也送給大家，身體健康一些，人簡單快樂一些，「些些」~`

PS：給這裡留一份禮物吧！簡單一句+你由幾時開始係呢度出現，些些~`

我今日遇到天使

我知道要完成呢件事，係有一定難度，但難唔代表唔做，Angelbeach係依然在進行中，雖然比我原先預算418後就順勢推出慢了很多很多，但對我呢種三分鐘熱度的人來講，依然在進行中，即是依然未放棄，証明我d毅力升晒呢！這個得著才是最有意義！Yeah~`


其實可以升呢，真係要多得上面兩位真正天使，一位好知我心意，一位好努力把我心意實現，兩位天使令我好放心！我咩都唔駛做，咁梗係仲有毅力未放棄啦！

離開時撞到一位電影前輩，他發現我原來不是在開劇本會後，神情顯得相當錯愕，臨別前語帶點唏噓地跟我說「襯還有能力，去做d有意義o既事啦！」

「我咪做緊羅！」

前輩無奈搖搖頭，默然離去！

原來前輩都係天使，他的現身是為了使我更肯定呢件事是應該做同一定會做到為止！

急什麼

小時侯好心急，想儘快變成大人，其實最快樂，不就是無憂無慮，食飽就睡的童年日子嗎？與其心急不如做好如何做大人的準備吧！

長大後好心急，想儘快談戀愛，其實最快樂，不就是無須牽腸掛肚，瀟洒上路的單身日子嗎？與其心急不如做好如何談戀愛的準備吧！

成長了好心急，想儘快有自己擁有的一切，其實最快樂，不就是無任何負擔，洗錢唔駛慳的風流日子嗎？與其心急不如做好如何擁有及處理失去的準備吧！

成熟後好心急。想儘快準備好年老時的一切，其實最快樂，不就是心無牽掛，活在當下的珍貴日子嗎？與其心急不如繼續學習做人的智慧吧！

當你發現慢活的快樂，人生其實沒什麼值得去急！

押

From 微博 Monique Fong轉載NelsonNg為我作的slogan 「咪當我老襯，灘叔最銷魂」，我看著這短短的十個字良久，心情好複雜！有開心，有感動，但份量最重的，是一份老懷安慰，其實玩押韻，絕非是個個識玩，而更安慰的是，現在依然有人肯去玩，即是肯去用腦，一百個讚！

「只要識押韻，就唔係悶棍！」

高高高~`

快樂別拖

拖車師傅問我「點解你架車被拖都咁開心？！」



因為我真係覺得好開心，因為我未見過拖車過程，因為我未見過有操英文口音的拖車司機「ga cher park 左係卡part sing 晚？」，因為呢個畫面似曾相識，電影拍車廂戲，有時都需要拖車......



因為我見到架車倒轉行，因為我覺得件事好愛情，妳越俾麻煩我，我就越愛妳......




因為我真係好開心，車可拖，快樂別拖！


有時快樂，是因為「我跟你所看的不同」，我後面呢位伯伯係咁笑，究竟係佢睇整車睇到咁開心，定係其實佢唔係望緊車底，而係望緊我底底.....所以先會咁快樂？咩原因快樂唔重要，最重要係可以懂得去快樂！