我今日遇到天使

我知道要完成呢件事，係有一定難度，但難唔代表唔做，Angelbeach係依然在進行中，雖然比我原先預算418後就順勢推出慢了很多很多，但對我呢種三分鐘熱度的人來講，依然在進行中，即是依然未放棄，証明我d毅力升晒呢！這個得著才是最有意義！Yeah~`


其實可以升呢，真係要多得上面兩位真正天使，一位好知我心意，一位好努力把我心意實現，兩位天使令我好放心！我咩都唔駛做，咁梗係仲有毅力未放棄啦！

離開時撞到一位電影前輩，他發現我原來不是在開劇本會後，神情顯得相當錯愕，臨別前語帶點唏噓地跟我說「襯還有能力，去做d有意義o既事啦！」

「我咪做緊羅！」

前輩無奈搖搖頭，默然離去！

原來前輩都係天使，他的現身是為了使我更肯定呢件事是應該做同一定會做到為止！

急什麼

小時侯好心急，想儘快變成大人，其實最快樂，不就是無憂無慮，食飽就睡的童年日子嗎？與其心急不如做好如何做大人的準備吧！

長大後好心急，想儘快談戀愛，其實最快樂，不就是無須牽腸掛肚，瀟洒上路的單身日子嗎？與其心急不如做好如何談戀愛的準備吧！

成長了好心急，想儘快有自己擁有的一切，其實最快樂，不就是無任何負擔，洗錢唔駛慳的風流日子嗎？與其心急不如做好如何擁有及處理失去的準備吧！

成熟後好心急。想儘快準備好年老時的一切，其實最快樂，不就是心無牽掛，活在當下的珍貴日子嗎？與其心急不如繼續學習做人的智慧吧！

當你發現慢活的快樂，人生其實沒什麼值得去急！

押

From 微博 Monique Fong轉載NelsonNg為我作的slogan 「咪當我老襯，灘叔最銷魂」，我看著這短短的十個字良久，心情好複雜！有開心，有感動，但份量最重的，是一份老懷安慰，其實玩押韻，絕非是個個識玩，而更安慰的是，現在依然有人肯去玩，即是肯去用腦，一百個讚！

「只要識押韻，就唔係悶棍！」

高高高~`

快樂別拖

拖車師傅問我「點解你架車被拖都咁開心？！」



因為我真係覺得好開心，因為我未見過拖車過程，因為我未見過有操英文口音的拖車司機「ga cher park 左係卡part sing 晚？」，因為呢個畫面似曾相識，電影拍車廂戲，有時都需要拖車......



因為我見到架車倒轉行，因為我覺得件事好愛情，妳越俾麻煩我，我就越愛妳......




因為我真係好開心，車可拖，快樂別拖！


有時快樂，是因為「我跟你所看的不同」，我後面呢位伯伯係咁笑，究竟係佢睇整車睇到咁開心，定係其實佢唔係望緊車底，而係望緊我底底.....所以先會咁快樂？咩原因快樂唔重要，最重要係可以懂得去快樂！

給有緣人

凡事有因才有果，但你可以有一萬個不同的因，但結果都是同一個，所以有時自己先定一個結果，你就可以因循結果方向而往，雖然途中往往會改變目的地，但至少你走的每一步，並不是蹓蹓躂躂，無方向混噩過活！

我問通渠小皇子點解要揀呢份工作，他即時答我「無論世界點變，都依然有人要通渠，呢份工可以做好耐，唔駛成日轉工！」，他一早定下結果，所以他的路線好清晰！


相對地，大家睇睇呢條友去到邊訓到邊，終日溜溜廢廢，無目標，無方向，唔駛多講，大家都會知佢結果會係點，就係唔會有好結果！希望佢會珍惜呢兩日遇到的人與事，想清楚自己方向，定立到像通渠小皇子的清晰路向！

好期待 ！

418同我跟車入大美篤的名額已經爆滿，報唔到名o既朋友，我抱歉之餘，仍然希望你會到時自己出現！不過就算你真係來唔到，現在已經至少有六十一人，會係果日出現，加理自到，果日隨時有過百人一齊玩，過百人一齊跳！呢個畫面真係諗起都興奮！yeah~`

大家記住418係要自備食物，但切記寧願唔夠食，好過食唔晒，所以正常帶去就得，因為我最叻偷食，實食到你地d心意！仲有生果呀！酒.......我本人唔建議帶............太少去！

開心大比拼

我的假期由星期五晚節目後開始，所謂「放假」，就是把日常要理會的東西全部放低，盡情做自己想做，或平時不敢做的事！



我最想做的，是與朋友聚聚， 好朋友聚會，聚一次就少一次，有得聚......就好好珍惜！




當最想做的都做到了，就怕咩做一些平日不敢做的事





我其實真係唔知點解要影呢幅相，不過朋友叫到影，都唔需要再有其他原因了！


呢d先叫做放假！




呢個放假tone，係咪太黃呢？係咪有d刺眼呢？okok！立刻同大家轉個tone！Just relax.....





































咁o既環境，只應該做一件事！




















我一再強調，可以到處睡，是一種福氣！



抖夠未？準備好再出發未？得就o黎羅喎！



























我得到二十七個小時的無比快樂！你們呢？如果快樂就留意給大家分享吧！假若不快樂，就趕快去尋開心吧！假期還有一半，高高高~`

給你

我極少留意娛樂新聞，唯獨見到有關三姑的，才會稍稍停下看看，最近鄭先生跟蔡小姐的事件，其實發生咩事，我唔係好知，不過有次見三姑做電影宣傳，被問及此事，她的一句說話，深深打入我腦海，良久不散！她說當他們的「事」被揭發時，她提醒男主角要準備「危機處理」

我們出了事的時侯，總會心慌意亂，腦海一片空白，唔知點處理，越急就越諗唔到方法，越諗唔到方法就越急，不但處理唔到問題，仲將問題嚴重化，或者生多幾個問題出來，其實有危機的時侯，只得一個方法解決，就係要「冷靜」，然後慢慢去想一想，發生這個問題對你的好處，eg：「情人要同你分手.......好處是你有機會遇到真命天子了！」「被公司炒魷.......好處是好好地想清楚自己是否適合現在的工作！（只要你有心，工係八十歲都仲可以轉架，但當然越早轉到就越好）「經濟出現問題......是要你學習渡過難關」「身體出現問題......是時侯去學習養生」 世上並沒有解決不了的問題，而只有不肯運用腦袋的人，肯去想解決方法，就會懂得什麼是「危機處理」

解決問題的方法，就是從問題的根部開始，究竟點解會發生問題先？凡事有因，就有果，有危就有機，有生就有死，有開始就有結束，有相聚就有分離，有擁有就有失去，有快樂就有悲傷，有愛就有恨，有放縱就有後悔，有黑暗就有光明，有問題就一定有答案 ！

你今天得到的，都是你從前種落的，你未來所得的，是你現在種下的！

從前的改變不了，未來的就靠你現在去編寫！莫再回望 向前走吧！

十七日

距離418，得番十七日，我唔知參加PlanA自到的人有幾多，因為會去的人，唔代表會報名，但參加PlanB，跟我旅行車的人數，就已經接近爆棚，實不相瞞，得番十七個位，如果想跟車，就把握最後機會，而PlanA人仕，好諗諗帶什麼入去食，我已經收到風，果日會有人整「乞兒雞」帶入去食！嘩！真係諗起都開心，雖然有人擔心果日會落雨，其實又有咩所謂，「風雨同路見真心，好玩唔怕淋鑊金！」 高高高~`

PlanA人仕快講低會帶什麼入去食
PlanB人仕快報名，得番十七個位