我唔醒就你醒！

Alice Wang/王艾莉，台灣人，畢業於Central St. Martins College of Art and Design BA (hons) Product Design，而現在於Royal College of Art.修讀Design Interactions

呢個鬧鐘創意之處在于，鬧鐘可以同你的手提電話連接，如果你沒有在預設響鬧時間起床，響鐘就會每三分鐘
隨機從你手機通訊錄上，選擇一個號碼撥出去

如果家人送呢個鬧鐘俾你，「你一定係好耐無打電話返屋企」
如果情人送這個鬧鐘俾你 「佢當然係想你通訊錄上只有他或她的名字」
如果老闆送俾你「佢只係想你唔好再遲到，但戒遲到比戒煙更難，所以你記住delete左老闆個電話號碼」
如果朋友送俾你 「佢一定知道你最近好憎某些人，所以借把刀你殺人」


如果我送呢個鬧鐘俾你，你提電上只可以set一個電話，你會擇邊個？

高手~`

有冇人知 『LG』的中文譯名？我一直唔知，但今日我終於知道~~

我有部錄影機壞左，打去LG維修部，過程當然係經過八次重新輸入，四次轉去不同部門，同唔記得幾多次「由於現在線路比較煩忙，接線生好快會接聽你電話...」，來回美加一轉之後，終於接得上理應「可以幫到我」的人，我唔記得佢叫咩名，不過好似只係不停提住「吳芝」，我問乜佢都唔清楚，唔知...我好耐無上腦，今日一上不可收拾，我問佢「問你地乜都話唔知，原來LG中文譯名係「撚知」，乜撚都唔知！」

我相信呢位吳芝小姐，已身經百罵，我呢款佢當係爛GAG一隻，聽完仲會笑一笑，然後不慌不忙回答我
「LG 全名係LIFE'S GOOD，中文譯名一定唔會係你果個！」




大家有冇 試過見到最歡喜的人突然出現，驚到要轉身走，我當時CUT線就係呢個心情，「天呀！超級高人！」，我唔收線仲可以講乜，感謝妳吳芝小姐，YOU DID MAKE MY LIFE'S GOOD！」

惡搞

無俾人惡搞過，點算係呢個年代的人，坦白講，上面呢張真係好型！我家人個評語好絕！「原來你有頭髮真係可以幾靚仔！」 我唔理，至少我都做 DR. HIGH KWONG CHOW！感謝妳，jenny~~ 但同時亦都要dee爆妳！妳下面果兩幅搞咩呀？！

呢個好明顯 係來自 德薩斯鄒 凱光門 大郡 姦殺左六十幾隻牛同羊 o既易服變態連環殺手 麥慈鄒凱爾....

『麥慈鄒凱爾讀大學時已經養成易服呢個怪僻，好多同學都話見過佢唔只一次喬裝女人，而當同學問麥慈鄒凱爾，佢就答「我去參加化妝舞會..」，但其實當時係凱光門大郡，一年只會有一次化妝舞會.....』


做易服僻變態殺手，都總算變態過有個歷史，但下面果幅！jenny妳點解要觸碰我的「童年陰影」












呢個造型我早在2001年「情迷大話王」出現過，你知道嗎？我拿著胸圍，圍內載住兩個灌了水的安全套，沒有特技化妝的年代，胸就是這樣裝出來，困在廁所內，反覆問自己來客串，幹嗎要扮女人？！我是編劇導演電台主持人，但可以衝出去同王晶講「我唔做！」嗎？ 終於當晚我得到「你扮女人靚過達明喎！」，呢部戲我一直無睇，但果個 造型仍歷歷在目，我用了很久才稍稍淡忘，點解？點解又要我記番起.....jenny 妳係咪好憎我先？！嗚~~`

在我面前

我好怕女人當我面前「化妝」、「落妝」、「補妝」
我好憎女人當我面前「大便」、「小便」，更加憎女人望住我「大便」、「小便」
我好驚女人當我面前「講價」
我好忌女人當我面前「吸完煙然後飲奶茶，跟住繼續同你講野」
我好憎女人當我面前「只懂投訴，不懂投入..」

我好歡女人在我面前，當我臨出門口照鏡時，走到我的跟前，為我執整衣衫，輕拍拍我的膊然後說聲
「順利~`」


〈大家答案又如何〉

撐住

罪証

唔好話我屈你，睇完「咬慈慈咬」個Video，大家來做個公道~`

罪無可恕

阿慈哥咬野病個情況惡化！





















罰佢坐無影椅，佢都要隔空搵野咬！我唯有放番佢入缸到，點知一返書房，就聽見外面傳來爭紮
撞缸發的連處巨響，撲到出去，竟 然發現阿慈咬住七妹條尾唔肯放！搞錯呀~~

阿慈！唔理你係咩原因，你已經罪無可恕！本席宣判「阿慈被調到隔離倉，刑期視乎表現再定！」

更新消息

為左阻止大哥慈咬野，我放佢落大脾，諗住佢冷靜一下，佢竟然咁無定力！「阿慈！你當我係MATT先？我係麥慈，唔係公廁呀！！」

呢個仇我一定會報架！！！

最新消息

最近我發現 阿慈 成日訓~`




一張開眼，見野就........咬！





我懷疑佢開始發情！