Frozen

這部電影還未有中文名，但英文名「Frozen」，我就覺得改得好貼題，「冰封了愛情，才可歷久常新~」，正！






















我一個星期五晚都係對住一班仔，難得有機會一晚見到咁多「女」，話無野唔高興，你都話我「虛偽」啦！所以我怕咩話你知「我真係好興奮！！」亦都唔怕再坦白話埋你知，「最令我興奮都唔係班女，而係一個男人！」






星期六咁岩睇到有線電台二台翻做「情迷大話王」，我先發現上次同佢合作，已經係八年前，上次是演佢的朋友，今次亦不例外，正！

同黎生開工人是一種高級享受，佢係「精神領袖」，不但有自己態度及精神，仲不停會令身邊的人好精神！「想提神，去幫其他人提神！」

Janice Man有一個鏡頭，拍了十幾個Take仍未演得到導演要求，JM問黎生「有咩方法可以演到導演的要求？」黎生微笑答她「只有一個方法，就係唔好去諗有咩方法，繼續做，妳做到之後，就會知道係用左咩方法！」

「要convince到觀眾，一定要令觀眾唔覺得你係度convince緊佢！」

嘩~嘩~嘩~

我點會唔為你而興奮丫！

不知不覺，郭子健已經拍到第四部作品，時間過得真快，就像黎生所言「同時間競賽，會輸雙倍時間，同時間拍拖，會無輸無贏，真正的贏，是我們都忘記了時間！」同黎生「金句」一樣，有些東西，還是諗少d為妙！