時間過得真快，咁又一年，場地由添馬艦轉左過黎西九，即係早排有得睇Drive In果個場，細左好多，加上今日下午天氣好悶熱，我雖然成五點先到，仍然覺得好熱，或者因為聽日就開始凍，所以今日特別熱！TIMING真係爭一秒就爭一秒，不過今日都總算還可以~`
我總覺得個台放另一邊，睇SHOW之餘，咪可以連埋維港景色一齊睇到羅~`
有個記者訪問我「黎撐邊隊場？」 「我黎撐好多，張繼聰、何超、二四味、農夫，最主要當然係捧范曉萱場」 「有邊隊如果出年唔黎，你會唔黎捧場？」 「咁梗係飛輪海啦！」
個記者係咁笑 「真係睇你唔出...」 呢句說話認真可圈可點~`哈``正！
終於我睇完無令我失望O既小萱就離場，錯過左飛輪海演出，又要等多一年了~``
20 comments:
明明話冇飛輪海就唔黎
偏偏黎左就唔睇!
wow! 香港人!!!
btw,其實今日飛輪海..真係好正!
Yeah ... 小萱真係好正
嘩哈哈, 你個衰佬...
哈哈~等出年o既飛輪海啦!如果佢地仲未散o既話...
海灘﹐你就happy啦﹐我喺公司辛勞工作中﹐偶爾望吓個場﹐由搭台、觀眾魚貫入場、天光做到天黑。
一堆黃色帳篷喺咪小食檔?
點解唔覺見到流動廁所嘅?
所以個台唔好擺另一邊﹐咁我咪睇唔到嚟緊嘅張學友世界廵廻做極都做唔完個concert!
Hehe...
哈哈......咁又一年.....今年我無去丫~~...
sugar19sugar
唔係呀？
飛輪海你都啱？
真係睇唔出喎！
愛飛輪海有咩問題?!哈~
好想睇呀!
可惜無得睇, 唯有眼淚滴!
我都有去睇呀
我係睇 蘇打綠 Tanya 綺貞同小萱
不過感覺上今年無咁好睇
而且有 d 失望係恭碩良病左 ~
好羨慕灘叔, 朝九晚十的工作, 唯有發夢先可以睇演唱會.
jessica：
朝工晚十工作也有收工時，不用
太灰！
灘叔:飛輪海你都得?咁你有無走去同啲妹妹仔一齊嗌啊!!
楊乃文都好睇喎
上年既飛輪海故事
直到今日都仲記掛係心XDD
下年又有飛輪海呢?去嗎?
hahahah
勁變態 = =短短1日
24度跌到12
大家小心身體..........
我都有去, 雖然今年都係睇台灣歌手多,但係24味、農夫佢地都唔弱。由點幾開始睇到散場, 正呀!!
最不滿係啲樽裝水, 20蚊去到30蚊, 又唔比人攞住杯啤酒邊飲邊睇, 有啲唔盡慶囉!
灘叔:
答返今朝WDO既嘢, 阿谷係冇錯, 第一年WDO真係响西九搞, 不過係响個直昇機入面, 入去同走都好麻煩。仲要音響差過今年,下午表演既聲浪, 仲慘過响屋企聽歌...
何超嗰年都有參加ga..仲有伍伯、徐若瑄、五月天、范曉宣、張震嶽等等...
上星期集閒談真係好炒耳, 聽得好辛苦, 請告知余迪偉, 佢做五天又係甘.... 真係唔 cute 唔好笑....
哈~~哈~~~
你的確講得啱~~
冇飛輪海就唔係WDO
身邊粉絲的尖叫聲可以令你完全聽唔到台上的飛輪海唱d乜
我本身唔哈飛輪海，但係我真心想聽吓佢哋唱歌，比上年已經有進步，起碼佢哋唱現場
我本身捧蘇打綠、陳綺貞同埋黃玠&929場
不過睇埋阿Paul先走
哎呀~~你咁遲先入場~~錯過朱凌凌啦~~超正呀
Dear 灘，
I love the way you talked about 飛落海 LOL！
Post a Comment