好消息

出版社電我，話收到好多EMAIL，對翻版「麻不甩」及「愛情補藥黨」的機會大大提升！YEAH！！而最Yeah的是出版社話會跟收到過的EMAIL，回覆新書的出版日期與簽名會的時間，我努力建議有EMAIL過的都可以變成VIP，但革命尚未成功，我會繼續努力！
各位EMAIL過去出版社的老友，記住留意自己MAIL BOX，而未EMAIL的，請繼續EMAIL到〈info@enrichculture.com〉，要求翻版「麻不甩」與「愛情補藥黨」，及同時加入被邀行列！
高高高~`

99.999998

完成了99.999998了，尚欠的0.000002，是因為唔捨得完，過往這二十多日，真係好好玩，係好玩到你地睇o既時侯，都會感覺到，如果唔信的話，下個月面世時你幫襯一本，睇完唔開心的話，我親自同你講聲「solly」，但如果睇完真係開心，你要親自同我講「開心」

刁唔刁？

進行中

最新動向：一切一切都在進行中，新書應該可以趕得到下個月出版，希望大家繼續忍耐，好東西在後頭，一齊支持吧！而另一方面，由於很多老友無法買到「麻不甩」，其實我自己都無（最後一本送了給新朋友），同出版社開過聲，叫書展時再出，佢地個樣有d懷疑仲有冇人買，我希望會買的人齊齊send email〈info@enrichculture.com〉到天窗出版社，要求重印「麻不甩」
咁出新書梗係想舊老友一齊出場架啦，所以如果你肯幫拖，順mail叫埋佢地出埋「愛情補藥黨」丫，些些！
我繼續努力lu~`

其實...

其實做每一件事，背後都會有一個目的，只要大前題不是為錢，呢件事就一定有意義，一定做得開心！


其實做世界杯係我心願，但都只不過係為左可以係個景都影相



睇下女


見下d好耐無合作朋友

及與偶像合作，簡直係「神奇」、「頂級」、「超卓」！「有今生 無來世！」

道歉啟事

給愛護及支持我的人

踏入年中，「世界杯」、「書」、「網頁」、「電台」、「劇本」、「十月計劃」同時殺到埋身，一時間疏忽照顧呢度d老友，敬請原諒！當網頁一完成，個遊樂場一開幕，所有FB，微博都唔駛再搞，以後所有野都只會係ub.com發生，暫時大家忍耐多一陣先！不便之處，多多包含！



最多我唱隻歌當賠罪，你地想聽咩歌丫？

美麗背後

我很喜歡影「back shot」，因為最美麗的東西，總是在你看不到的背後！



這是我見過最美麗，最感動的背後！

給失意的你

XX
昨晚得知妳工事，私事齊失，一時間，磨碌又忙碌的我，想不到任何回應，當回到魂的時侯，你已經走了......
其實「失去」是一件好事，因為只有失去了，才有空位填上新東西，組織新的一個「你」，幾多人都恨突然間推牌從頭開始，但最後都係無勇氣，現在個天安排各種遭遇，令你可以重頭再來，就算你唔恨，呢d始終都係妳「福氣」，好好享受吧！不要「折福」呀！

終有一天你回望呢一刻，你會感謝所有令你失落過的遭遇，因為你已經從這些遭遇中成長，變得更成熟，更堅強，為那一個美好的「你」努力吧！

撐 下去X1

New Moon

很久沒有試過，看那套電影的時侯，就決定一完場就立刻去買那部戲的SoundTrack，然後一直聽都唔厭，上一次有這種魔力，已經是「Lost In Translation」，呢隻「New Moon」SoundTrack真係好勁！，聽咁耐一d都唔厭！
我唔鍾意「Twilight」，但好鍾意「New Moon」，可能因為呢集由Bella出發，乖女愛上吸血彊屍，就等同富家女愛上古惑仔一樣，這種「天若有情」式愛情故事，一定浪漫淒美，再加上d迷離音樂〈http://www.lykkeli.com/〉，〈http://www.youtube.com/watch?v=g13z1Kfmp5E〉
隻Soundtrack，我每日至少聽一次至頂到癮，一邊聽腦海一邊出現戲中畫面，同Bella同步去追憶男主角 Robert Pattinson每一個型到爆的畫面！我認為Robert Pattinson一定係新一代Johnny Deep，甚至會超越「哥」成就！其實我認為唔係甚至，係一定會超越！



我刻意係未睇「驚動了愛情」之前，發表對Robert Pattinson的高度期望，係唔想睇完之後會有所動搖！所以大家就算睇左，都唔好話我知「好唔好睇！」等我自己去發現！


未睇之前，繼續睇我的「New Moon」，聽我的「New Moon」，突然覺得自己好Edward Cullen！又唔駛噓，無人話「吸血彊屍」唔可以係肥，「吸肥彊屍」專吸人d肥膏，所以至搞到自己變肥屍，掂呀！呢條橋直頭拍得啦！名都諗埋，就叫「Fat Moon」 啦！

慢嘆

其實現今年代，每日我們要準備同其他人些榮的「資訊」，真係多到未消化得切，下七單已經殺到，「FB」、「WB」、「BLOG」、「Twitter」、「MSN」、「SMS」、「EMAIL」、「Forum」......各地盤的料不能重覆，而每單料最多燒你一兩個鐘，一日無一百幾十單料，都幾難係網上稱雄！

我們的日子應該這樣囫圇吞棗嗎？活得快速就等如快樂嗎？

我和你一樣，一邊鬧，一邊繼續參與，因為我們都怕被時代淘汰！但我信真正的快樂，是可以last好耐，過了一排回味，依然精彩！

http://www.youtube.com/watch?v=Ljs6NhsyMzc&feature=player_embedded

感謝「阿SAM」，在忙到甩轆之中，仍然抽時間幫我剪出這個「最後版本」，雖然當中有少許東西，我私下修改了，但絕對是因為怕煩到你，絕無侵犯你作品之心

一個多月後再看，依然笑到氣咳，快樂應該是這樣恆久的~`