排

crazy Garden Show 進入倒數階段，但一如其他騷一樣，現在才開始真正「排練」，因為每個演出者，都係唔到水浸眼眉，都唔肯出力去排，出力去練







排練完，亦立刻抄低 Notes，改稿...





一班人全情投入去做一件事，是好難得的，因為世界上實在有太多東西，會令人分心...




究竟乜事令所有人走開晒...











電影拍爆水管就見得多，真正爆同可以從呢個角度觀看，我都係第一次，點會唔心散想睇睇喎



鍾意呢幅相，上面個泳池無晒水，好似係因為漏晒落下面街咁！

大家一睇就睇左半個鐘，至於個排練情況....黎明有句金句好岩用


「排唔排，都係上天安排！」

反叛要早

十年前他們出道，我第一次從電視營光幕看到他們表演，我苦笑輕嘆「點解香港而家先有？」但當時我已經過左反叛期，明白對世界的不滿，齋發洩是無補於事，反而會令更多「負能量」散播，我認為「你有本事，就出手拯救，唔好得把聲齋鬧，如果無本事，就逆來順受吧！」，所以當時我唔介意佢地rap粗口，但對他們rap的內容確實有點點抗拒，當然我明白歸根究底，都是因為我「老」，所以聽到「行撚開啦！死老鬼！家陣要改朝換代俾我上位....」心裡確實有點難受，不過個個後生都係咁激架啦！所以我雖然不是他們fans，但從無反對過他們..
而看他們現場演出，今次是第一次，竟然是復合的這一次






























老實說，個騷氣氛一流，演出一流，但在新一個Decade，再聲嘶力竭地大罵一些五六年前的東西，感覺有點維園阿伯，就正如阿肥在台上說「我們都老，是上一代的HIP-HOP友！」，所以今時今日再唱「行撚開啦！死老鬼！家陣要改朝換代俾我上位....」，確實有點心虛
我都曾經抗拒過好多東西，包括成長，到現在不得不認同「做人是穩步向前，而不是原地踏步」，不同階段做不同東西，有不同的收獲，也有不同的失去....除了成名，反叛亦要早，否則你會成熟得好遲！


下一次聽到唱「行撚開啦！死老鬼！家陣要改朝換代俾我上位....」，可能係佢，不過可能其實佢而家已經唱緊！

常樂之道

有求必苦，無求自在

越唔志在，越多意外

十年如一日...

回顧以往，展望將來，我都只是想做個「毛柿」


「毛柿」 性喜高溫、潮濕和半陰的環境。其耐鹽性佳、抗風力強，而「毛柿」拉丁學名的屬名Dios源自於希臘語的Zeus，也就是天神宙斯；pyros則是果實的意思。Diospyros也就是天神享用的水果之意。要做到「毛柿」其實都不是件易事，所以往後我會繼續努力！

迷思

有沒有想過，你一生會著幾多對鞋，轉過幾多個髮型，戴幾多副眼鏡，吸幾多支煙，喊幾多次，飲幾多酒精，睇幾多本書，笑幾多次，病過幾多次，遊幾多個國家，同幾多人有過關係，選揀過幾多次，駛過幾多錢，結過幾多緣，欠下幾多債，爽過幾多約，積下幾多孽... 你想過幾多次，得到幾多個答案，其實只要想想你失去幾多，就知自己曾擁有過幾多`.~`

令我退步的先進禮物

BOXING DAY！做野！我係少數唔多鍾意玩「新科枝」O既直男，可以的話，我想間屋係無電器用品，所以我對住果幾個「解碼器」，成日問自己幾時可以戒甩「TV Surfing」呢個惡習，一個惡習，令自己個廳多左三舊好Q醜樣電器，可惜到現在我仲未戒得甩，不過我會繼續努力！

Printer fax Scanner Copier一直無法入侵我家，都拜果幾個〈解碼器〉所賜，但實在有太多私人東西，不能在街上或公司copy scan或者print，加上現在都是「屙現溫」，自我安慰避見一舊總比避見四舊容易，所以終於買了這部個四眼Sales哥哥話「家下最先進」的眼冤電器！

呢個世界，通常你越想擊敗最憎果個，你就越係會輸俾佢，然後你發現最憎果個，原來係自己！我最鬼憎呢d死人電器，唔研究都要試試點用，試到個Scanner，我竟然失控去做出一件自己經常提醒唔好做的事，懶懷緬走去摷d舊相出黎試scan！好憎自己，被最先進的東西，搞到自己大倒退，不過既然都做ed，不如放埋俾大家笑下！

以下幅相應該有二十年歷史，你當時做緊乜？我強烈建議要click大幅相睇，咁一定好笑好多！

Are you ready？








































































夠唔夠喉？唔夠就再黎多野！下面幅相係二十五年前影，你出世未？同大家玩個遊戲，大家計時，幾多秒內搵到我

準備``




















































我還記得影這幅相時，攝影師苦口婆心叫各位同學「笑下啦！」，然後我大聲說「大家睇下我幾靚仔！」即場傳來不少笑聲，縱使當中九成都是恥笑，但咁又有咩所謂，由細到大，我都只是想引到其他人笑，希望今次我都可以做得到~

吉7 二十四

阿Ann話出年唔搞PARTY，只係去人搞果D！算罷啦妳！就等如妳話飲過d靚酒，再飲d渣紅酒，就係想嘔同寧願唔飲，出面邊有Party好玩得過妳果度丫！


























大家知道露天飲酒同室內飲酒個分別嗎？

露天飲醉d人，行為特別奇怪




例子1：朝偉，王家衛御用化妝師竟然主動話要同我化妝，話我化女人妝好睇（當時迪偉未走）




例子2：憑「意外」得到亞太影展最佳編劇的司徒錦源竟然放低支筆，拿起個鉗不停燒牛扒俾大家食！而最大問題係燒得好難食，但仍然繼續燒，又無人阻止，我DEE！





例子3：右邊「六角」老闆娘竟然話自己似鍾舒漫，而大家睇下阿ANN個樣，再對比佢件TEE個LOGO，係咪覺得個Planet好有希望呢~


最離奇係呢位來處理燥音投訴的警察先生，一眼就認出我「你係電台主持...咩光....香港電台果個...李志岡！」 「咁都俾你認得出，今次DJ先生俾警察先生周到正！」「我認得你，不過你又有d似拍戲果個....又係唔知咩光架！」 「劉南光呀！Sir！」「一定唔係啦！唔知...鄧浩光...定吳浩光...」「係呀....好多人都話我似吳浩光...」「好喇！講番個投訴喇！你地真係唔好再咁嘈，再多一次投訴，就要拉番差館！」 其實我地咁嘈，都係因為你實在太 爆笑！

感謝你帶給我們的歡樂~



感謝妳 Ann，妳慢慢執拾羅喎~`

想盡興 先準備

誘惑



酒精 ---- 貓



虎視瞻瞻



互相保護








切勿自以為是，單獨對抗




否則被咬住唔放，無力反抗



呢個時侯，只有超人至救到妳，而懂得保護女性的，其實都是超人





快換上令你變身的那一「套」




跟身~ Must 用~

無後顧之憂才可盡興

Sorrish

有些人很容易說「I Love U」及「Sorry」，容易說I Love U，當然就容易會說Sorry！例子：向情人提出分手時，情人死纏「你親口同我講過I Love U 架！」「Sorry呀！真係好Sorry，妳就當我當日無講過或者講錯左啦！」由於要一再強調，所以會用好多個「Sorry！」，因此到頭來講Sorry係多過I Love U 好多倍；而後來差距變得越來越大，就算減少亂說「I Love U」，但「Sorry」就依然越說越多，就比見面時Say HI還要多，因為好多時我們跟其他人見面，第一句就係say Sorry！「Sorry呀！臨走俾老細捉住，搞左我半個鐘，唔係唔會遲到！Sorry！真係Sorry！」遲到半個鐘都講三句Sorry，更何況有時遲交貨，「Sorry！真係Sorry！我知遲...所以我真係好Sorry！總之聽日一定有...Sorry...我知道遲左好多，但係...總之真係Sorry，我應承你呢次係最後一次同你講Sorry，聽日一定有....我點會熄電話失蹤呀...上次...Sorry羅，今次信我啦.....」而到另一日依然未有貨交，就只可以繼續用無數Sorry去回答及抵擋老闆的爆鬧，令Sorry的使用率達到OVER的程度，但都未夠激嬲情人時的使用量驚人，簡直係達到「濫sor」的地步「Sorry呀！Sorry呀！Sorry呀！我真係Sorry呀！我講真架，我好Sorry呀，你要點先信我係真心講Sorry呀？我無誠意同你Sorry，都唔會Sorry咁多次啦！Sorry呀！你俾次機會接受我Sorry啦！你唔原諒我，我就繼續講Sorry，Sorry到你原諒我為止，Sorry......」真係一sor sor到尾，Sorry N次方！如果環保份子有日關注到「濫用Sorry」的問題，這類「濫梳人」，一定被上街示威聲討

「Save the World，Stop Saying Sorry！」

物以罕為貴，過濫就當然唔矜貴，但最濫的東西，往往就是最大眾化，事實上，「Sorry」常掛嘴邊的族類~Sorrish，佔了人類族群的大部份，就等如唔環保的人，一定比環保份子多。你有試過一日未聽過一句「Sorry」嗎？除非你又聾又啞，仲要盲埋睇唔到人家口形啦，否則你無可能一日遇唔到一個Sorrish，尤其做office的朋友，辦工室是Sorrish盛產地。而成為Sorrish的好處是，你只要用一個最簡單，無人不曉發音的字「Sorry」（就算讀成Solly都一樣通，等如英格蘭同蘇格萬一樣，都是來自大不列癲），就可以肆無忌旦，不負責任去回避一些難辭其咎的錯誤失責行為，無論面對上司，情人，親人，朋友，同事，一有做錯就講Sorry，就算對方聲大夾惡回敬「講Sorry有咩用呀？！Sorry可以解決到問題咩？！」，然後你都繼續死狗地繼續講「Sorry...真係Sorry....」，即使對方拍檯大罵「唔好再同我講Sorry呀！」你仍然可以垂頭極懊悔地，低聲+些微抽泣地說「.....sor..ry....」對方就會自動走開，你未能解決的，對方會係「怕左你！我自己搞」的情況下，幫你去解決晒，而你就可以逃之夭夭，繼續消遙快樂！

所以做Sorrish有咩唔好？！

成為Sorrish，有問題而遇上同類時，就會「梳」來「梳」去，「Sorry！真係唔好意思，我真係幫唔到手！Sorry！」「我Sorry就真，你想我幫，但我幫唔到你，真係Sorry呀！」「你千祈唔好講Sorry！你講Sorry我覺得自己幫唔到手好無用呀，咁我唔單只要同你講Sorry，仲要同埋自己講Sorry呀！」係兩個或以上Sorrish梳來梳去dum波鐘的時侯，就會有「唔抵得頸」的其他族類出手幫你搞掂問題，Sorrish又可以繼續去 梳肝！

成為Sorrish，出到去交際應酬，好容易就可以同人打開話題「Sorry呀！我係咪係邊度見過你呀？」 「Sorry呀！我知好冒昧，不過你真係好似我一個舊朋友，其實係舊情人！」「Sorry呀！你地講緊果個話題，我都想參與呀！」「Sorry！實不相瞞，我今晚真係好需要，妳可以跟我走嗎？」「Sorry！我知我咁講可能嚇親你，但我真係好鍾意妳呀！」

「Sorry」簡直係打開溝通天空的密碼

成為Sorrish，回到家裡，無論你家中的母親，太太有幾煩「問長問短又逼你飲湯」，Sorrish面對她們都頭頭是道，總之無論對方問乜都答「Sorry....」行先 「做乜咁夜返，電話又唔聽？！」「Sorry！今日發生左好多事，不過解決晒，Sorry！我好已經好疲，唔想再講野，Sorry！碗湯聽朝起身飲，Sorry！我想訓先！」，梳到佢貼貼服服，自己就可以舒舒服服！

成為Sorrish，你就可以欠債唔還 「你幾時清番條數呀？！」「Sorry！真係未有！」「咁幾時至有呀？！」Sorry！真係未知！」然後就算換來拳打腳踢的皮肉之苦，Sorrish仍然是意志堅定「Sorry！就算打死我都無用，我真係無！Sorry呀！」

成為Sorrish，你就再不需理會「自尊」、「負任」、「禮儀」、「廉恥」... 能夠放下這些枷鎖，做人一定快活消遙，可惜我對「認錯」仍保持守舊的觀念，就是「減少犯錯，減少認錯！」，所以若要我成為Sorrish，我只能說

「Sorry！我做不到！」