6.18.2006

有限公司

像我的這一代,小時侯娛樂有限,要玩就要用腦!「剪貼」乃我童年時想玩的東西,但家景並不富裕的我,很小得到媽媽買那些公仔著衫的剪貼給我玩,但我從來沒有怪她,反正我的玩法也不會替她們 著衫! hee~~
當時我最鐘意拿報紙同教科書crossover,發哥曾經是秦始皇,劉嘉玲,戚美珍,關芝琳等等曾經是健教書內連載多期的女護仕,我仲記曾華倩亦曾經擁有madonna的豐滿身材;後來我發現軟硬第二隻碟玩剪貼,二人的頭key落大隻佬個身,效果奇佳!但對我黎講,一d驚喜也沒有,反而早排見阿澤係電話廣告再玩,我就覺得驚訝,今時今日仲玩?!唔係咁無創意呀!
做編劇初期,仍然要手寫劇本,寫錯就用塗改液改,有時一改再改,d塗改液仲厚過好多女仔的粉底,然後我用童年時所練成的方法,剪剪貼貼,果然湊效!但無人肯幫我影印劇本,因為張張紙厚薄不一,一定要逐張影印,放晒落去影一定JAM..
現在剪貼對我黎講,只會在報紙上看到再加上設計對白,而其他cross over已經乜都croos一餐,真係over晒..
903個直播室有一個特色,就係只有人貼一張相,一張報紙上牆,就會有其他同事不停加野上去,好好玩,好有創意...










地球資源有限,善用的人更有限,要有限變無限,就要勤用腦!無話用腦就會變成霍金,但唔用一定變浮金!

3 comments:

Anonymous said...

正!

Anonymous said...

我細個幫教科書人物設計對白都會有既~ 不過我惗唔到剪貼~ 一直覺得報紙好污嘈gwa~ haha....

Monkey said...

懷舊d都好呀~~ 只要出嚟效果好就得啦~~